Паян «Хыпар» издательство çурчĕн «Çамрăксен хаçачĕн» редакцийĕнче Чăваш Ен наци радиовĕнче ăсталăха туптакан И.Н.Ульянов ячĕллĕ ЧПУн вырăс тата чăваш филологийĕпе журналистика факультечĕн студенткисем Эльвирăпа Диана Ивановăсем пулчĕç. Мĕн тĕллевпе? Редакци ĕçченĕсем радиоитлекенсене хăйсем ирттерекен ыр кăмăллăх акцийĕсем, ырă ĕçсем пирки каласа кăтартĕç.
Авăн уйăхĕн 3-мĕшĕ. Раççейре террора пула пурнăçран уйрăлнисене, мирлĕ тýпешĕн пуç хунă йĕрке хуралĕн ěçченĕсене аса илеççĕ. Шăпах 14 çул каялла Беслан хулинчи 1-мĕш шкула террористсем çавăрса илнĕ.
«Çисемĕр апатăра, хăваламалла выляма ĕлкĕретĕр», — уçă сывлăшра кăвакал чĕпписене асăрхакан çулланнă хĕрарăм çунатлăскерсемпе калаçса та илет. Самай ÿссе аталаннăскерсем хыççăн утса ывăнать те пĕр кана хыçлă пукан çине ларса урине кантарать.
Çак кунсенче Шупашкарти Трактор историйĕн музейĕнче йăлана кĕнĕ чыслав иртнĕ. «Трактор завочĕсем» концернăн ĕçченĕсен ачисене шкула ылтăн тата кĕмĕл медальпе пĕтернĕ ятпа саламланă. «ЧАЗ», «Промтрактор» тата «Промтрактор—Вагон» заводсенче ĕçлекенсен тĕпренчĕкĕсенчен кăçал саккăрăн шкула хĕрлĕ аттестатпа вĕçленĕ.
Пĕтĕм тĕнчери «Волхов фрончĕ. Чудово» шырав экспедицине хутшăнмашкăн пирĕн республикăри 25 хастар — Муркаш районĕнчи Мăн Сĕнтĕр шкулĕн отрячĕ, Комсомольски районĕнчи Çĕнĕ Мăрат шкулĕн «Наследие», Çĕнĕ Шупашкарти 9-мĕш шкулти «Прометей», Улатăрти 9-мĕш шкулти «Стрелец» отрячĕсем — çурла уйăхĕн 9-мĕшĕнче çула тухнă. Çак кунсенче вĕсем тăван тăрăха таврăннă.
Чăвашла верси
Русская версия
