Кун хыççăн кун

6 Пуш, 2023

Çирĕп çемье - çирĕп çĕршыв

Чӑваш наци библиотекинче "Пӗрлӗхлӗ Раҫҫей" партин регионти уйрӑмӗн "Ҫирĕп ҫемье" проекчĕн ларӑвĕ пырать.

Унта палӑртнӑ тӑрӑх, ҫемье ҫирĕп пулсан ҫĕршыв та ҫирĕп пулать.

Асӑннӑ проекта пурнӑҫа кĕртсе республикӑра ҫулсеренех питĕ нумай мероприяти ирттереҫҫĕ, йывӑр лару-тӑрӑва лекнĕ ҫемьесене пулӑшаҫҫĕ. Кӑҫал та, Телейлĕ ачалӑх ҫулталӑкĕнче, 100 ытла мероприяти йĕркелеме палӑртнӑ.

Сӑмах май, республикӑра асӑннӑ темӑпа 17 проект пурнӑҫланать. Ларӑва РФ Патшалӑх Думин депутачĕ Алла Салаева, ведомствӑсен тата общество организацийĕсен ертӳҫисем хутшӑнаҫҫӗ.

Кун хыççăн кун
6 Пуш, 2023

Пулăшу шыраса пынă

РФ Патшалăх Думин депутачĕ Алла Салаева патне республикăра пурăнакансем тĕрлĕ ыйтупа пынă.

Вăрнар, Етĕрне тăрăхĕсенче, Шупашкарта тĕпленнисем шкул тавра калаçу пуçарчĕç. Улатăр округĕнчен килнисене «Ас тăвăм çурти» стела, музей уçас шухăш канăç памасть. Элĕк районĕнчи Нина Андреева каланă тăрăх, Çĕнкас Юнтапа халăхне темиçе çул каяллах урамсенче çул сарса пама шантарнă. Çак тĕл пулу хыççăн пăр вырăнтан тапранĕ. 2024 çулта Çĕнĕ Юнтапара асфальт çул пулĕ.

Марина ТУМАЛАНОВА.

Кун хыççăн кун
19 Нарăс, 2023

Черетлӗ гуманитари пулӑшӑвӗ ӑсатрӗҫ

Ятарлӑ ҫар операцийӗнче хутшӑнакан салтаксем валли паян Чӑваш Енрен черетлӗ гуманитари пулӑшӑвӗ ячӗҫ. Ӑна халалланӑ мероприятире ЧР Пуҫлӑхӗ Олег Николаев, ҫавӑн пекех влаҫ тытӑмӗнче тӑрӑшакансем, округ представителӗсем , волонтерсем хутшӑнчӗҫ.
Хальхинче салтаксене УАЗ, НИВА, ГАЗЕЛЬ автомобильсем, мунча кӑмакисем , юн чакаракан турникетсем , наҫилккасем, тепловизорсем, медикаментсем тата ытти хатӗрсем ӑсатрӗҫ.

Кун хыççăн кун

Pages