Пысăк тĕллевсене пĕрле пурнăçлăпăр
Патшалăх Канашĕн паян иртнĕ 43-мĕш сессийĕнче депутатсем 16 саккун проектне тишкерсе ырларĕç, ытти ыйтăва пăхса тухрĕç.
Чи малатанах Альбина Егорова спикер ЧР Пуçлăхĕн тивĕçĕсене вăхăтлăх пурнăçлакан Олег Николаева республика Пуçлăхĕн суйлавĕнче çĕнтернĕ ятпа саламларĕ, малашнехи ĕçре ăнăçу сунчĕ. Олег Алексеевич та сăмах илчĕ. Хăйне шаннăшăн пурне те тав тунă май вăл умри пысăк тĕллевсемпе паллаштарчĕ, вĕсене пурнăçламашкăн пурин те пĕрле ĕçлемеллине палăртрĕ.