Патăрьел районĕнче субботник йĕркеленĕ

Паян çĕршывра Экологсен кунне паллă тăваççĕ.

Патăрьел районĕнчи Пăлапуç Пашьел ял тăрăхĕнче пурăнакансем паллă уява халалласа субботник йĕркеленĕ. Ырă пуçарăва волонтерсене те явăçтарнă. Вĕсем аслă çул хĕррипе çÿп-çап пуçтарнă. Пластик кĕленче, стакан… — мĕн кăна пăрахса хăварман-ши çул çÿревçĕсем? Çĕрĕшмен ăптăр-каптăр уй-хире, вăрмана варалать. 1,5 сехетре экологи десанчĕ 20 михĕ çÿп-çап пуçтарнă. Ырă пуçарăва ял клубĕн заведующийĕ Елена Иванова ертсе пынă.

www.hypar.ru

Лариса ПЕТРОВА. Cap.ru сăн ÿкерчĕкĕ.