Социаллă сеть ĕмĕт-шухăша пурнăçа кĕртме пулăшать
![](http://hypar.ru/sites/default/files/pictures/news/title/2021/02/img-f30ef2a32152dd2f2181f1c8f1eac577-v-1.jpg)
Паян Шупашкарти «Эткер» центрта ЧР Пуçлăхĕ Олег Николаев блогерсемпе тĕл пулчĕ. Унта Алла Салаева вице-премьер, ЧР Патшалăх Канашĕн депутачĕ Инна Исаева тата ыттисем хутшăнчĕç.
— Эсир паянхи çамрăксен шухăшлавĕпе тавра курăмне йĕркелетĕр. Яш-кĕрĕмпе хĕр-упраç мĕнпе интересленнине, вĕсене хумхантаракан ыйтусене пĕлетĕр. Вĕсем сире шанаççĕ, сирĕн сĕнĕвĕрсене шута илеççĕ. Çамрăксем мĕнле ĕмĕт-шухăшпа пурăнни пире патшалăх политикине йĕркелеме пулăшать, — терĕ Олег Алексеевич.
Алла Салаева çамрăксен лайăх проекчĕсене пурнăçа кĕртме пулăшассине тата пĕр-пĕринпе калаçмалли лапама туса хумаллине палăртрĕ.
Екатерина Доброхотова 2 çул каялла инстагрампа кăсăкланма пуçланă. Паян соцсеть уншăн пултарулăха аталантармалли, хăйĕн ĕмĕт-шухăшне пурнăçа кĕртмелли лапам пулса тăнă. Унăн мăшăрĕ Константин вара Чăваш блогне тытса пырать. Унта чăваш культурипе, кун-çулĕпе паллаштаракан видеосем, сăн ӳкерчĕксем вырнаçтарать. Вăл кинофильмсемпе мультфильмсене чăвашла куçарас енĕпе, тăван чĕлхене упрас тĕллевпе тĕрлĕ майсем шырамаллине палăртрĕ.
Блогерсем Ютубра чăваш контентне тума, тик-ток парк йĕркелме сĕнчĕç. Çавăн пекех Раççейри паллă блогерсене Шупашкара йыхравлас шухăша ырларĕç.
www.hypar.ru Андрей Михайлов сăн ÿкерчĕкĕсем
![](http://hypar.ru/sites/default/files/pictures/news/2021/02/img-f3fd0531e697a9f95f40f9bd17480eee-v-1.jpg)
![](http://hypar.ru/sites/default/files/pictures/news/2021/02/img-1d76e9699f4b6d74de62a730da264ea8-v-1.jpg)
![](http://hypar.ru/sites/default/files/pictures/news/2021/02/img-348062ab0cf102d15d45f94506d6d4fa-v-1.jpg)
Комментари хушас