Фестиваль-конкурс: кĕпи лайăх-и, пики лайăх-и?
Чăннипех çапла ыйтма пултараççĕ паян Чăваш патшалăх культурăпа искусствăсен институтĕнче иртнĕ регионсен хушшинчи «Ĕмĕрсен ылтăн пĕрчисем» фестиваль-конкурса хутшăннисене курса киленнĕ хыççăн.
Ăнланатăп вĕсене — ытла та илĕртÿллĕ вĕт пирĕн чăваш пикисем. Вĕсен çинчи кĕписем тата… Ĕмĕрсен эрешĕсем тейĕн.
Йĕркелÿçĕсем — Раççей тата Чăваш Ен Культура министерствисем, Чăваш патшалăх культурăпа искусствăсен институчĕ — пархатарлă тĕллев лартнă: халăхсен культура еткерлĕхне упраса хăварса малалла аталантарасси, хальхи вăхăтри наци тумĕсене хатĕрлес тĕлĕшпе ĕçлессине хавхалантарса тăрасси.
Фестиваль-конкурса Чăваш Енри, çавăн пекех пирĕнпе кÿршĕллĕ республикăсемпе облаçсенчи декораципе хушма искусство студийĕсен, мода çурчĕсен, тум театрĕсен, халăх ÿнер промыслисен центрĕсемпе студийĕсен ертÿçисем, художник-модельерсем хутшăнчĕç.
Çĕнтерÿçĕсене тăватă номинаципе — «Этнографи тумĕ», «Хальхи вăхăтри автор тумĕ» тата «Сцена тумĕ» — пахаларĕç.
Надежда СМИРНОВА. Автор сăн ÿкерчĕкĕсем.
![](http://hypar.ru/sites/default/files/pictures/news/viber_image_2019-04-19_14.29.35.jpg)
![](http://hypar.ru/sites/default/files/pictures/news/viber_image_2019-04-19_14.29.36.jpg)
![](http://hypar.ru/sites/default/files/pictures/news/viber_image_2019-04-19_14.29.37.jpg)
![](http://hypar.ru/sites/default/files/pictures/news/viber_image_2019-04-19_14.38.41.jpg)
![](http://hypar.ru/sites/default/files/pictures/news/viber_image_2019-04-19_14.38.42.jpg)
Комментари хушас