Иртнĕ эрнере республикăри хуласемпе районсенче чăваш чĕлхипе литератури учителĕсен семинарĕ иртрĕ. Педагогсене валли çакăн евĕр канашлу тăтăшах йĕркелеççĕ-ха. Çапах та пире, журналистсене, чăваш чĕлхи, тăван ен культури предмечĕсене вĕрентекенсен тĕл пулăвне çитсе курма мĕн хистерĕ-ха?

2 Apr, 2014 | Спорт

Кипр çĕр-шывĕнче велосипедистсен кросс-кантри енĕпе тĕнче шайĕнчи ăмăрту иртнĕ. Унта Раççейĕн пĕрлештернĕ командине кĕрекен çамрăк спортсменкăсем ăнăçлă ăмăртнă. Патăрьел районĕнчи Нăрваш Шăхаль ялĕнче çуралса ÿснĕ Марина Филиппова хăйĕн ушкăнĕнче Чехословаки хĕрне Тереза Хуриковăна выляса ярса иккĕмĕш вырăна тухнă. Унпа пĕр ушкăнри тантăшĕ Снежана Михайлова – виççĕмĕш вырăнта. Пĕрлештернĕ командăра çавăн пекех Ирина Калентьева, Ольга Терентьева, Артур Раськин, Кристина Ильина та пурри кăмăллă. Вĕсем пурте Нăрваш Шăхаль хĕрĕсемпе каччисем.

2 Apr, 2014 | Спорт | Кĕрешÿ

Тай боксĕ - Таиланд халăхĕн кĕрешÿ искусстви. Вĕсем ăна муай тай теççĕ, ирĕклĕ тытăçу тенине пĕлтерет. Кикбокса аса илтерет пулин те тай боксĕнче кĕрешÿçĕ хăйне ирĕклĕ тытать. Çавăнпа ăмăртура чăтăмлă спортсменсем кăна çĕнтереççĕ. Пирĕн çĕр-шывра тай боксĕ иртнĕ ĕмĕрĕн 90-мĕш çулĕсенче аталанма тытăннă.

1 Apr, 2014 | Культура

Тăвай районĕнчи Тăрмăшри информаципе культура центрĕнче Совет саманинчи пек кино кăтартма тытăнасшăн. Хатĕр-хĕтĕрне, паллах, ĕçченсен килĕсенчен илсе килме тивĕ. Хальлĕхе ĕçе Инди фильмĕсенчен пуçласшăн. Унсăр пуçне ачасем валли мультфильмсем те кăтартма тытăнасшăн. Çапла майпа хăйсене алă çавăрмалăх укçа-тенкĕ те ĕçлесе илме май пулĕ. Çавăн пекех çамрăксен культура çурче енне сукмак хывăнĕ.

1 Apr, 2014 | Ял хуçалăхĕ

Ялта пурăнакан пуçаруллă çынсене патшалăх укçапа хавхалантарать. Иртнĕ эрнере ял хуçалăх министрĕ Сергей Павлов районти муниципалитетсене республика бюджетĕнчен субсиди уйăрмалли йĕрке проекчĕпе паллаштарнă.

Ятарлă гранта виçĕ енпе тивĕçме пулать: кану вырăнĕ йĕркеленĕшĕн, культура памятникĕсене упранăшăн, чăваш халăхĕн хăйне евĕр наци культурине аталантарнăшăн. Грант сумми 2 миллион тенкĕрен иртмест, проектăн пĕтĕмĕшле суммин 60 проценчĕпе танлашать.

1 Apr, 2014 | Спорт

Тай боксĕ - Таиланд халăхĕн кĕрешÿ искусстви. Вĕсем ăна муай тай теççĕ, ирĕклĕ тытăçу тенине пĕлтерет. Кикбокса аса илтерет пулин те тай боксĕнче кĕрешÿçĕ хăйне ирĕклĕ тытать. Çавăнпа ăмăртура чăтăмлă спортсменсем кăна çĕнтереççĕ. Пирĕн çĕр-шывра тай боксĕ иртнĕ ĕмĕрĕн 90-мĕш çулĕсенче аталанма тытăннă.

1 Apr, 2014

Мускавра Нацисен çуртĕнче "Вырăссемпе чăвашсен наци хутшăнăвĕсем: иртни, хальхи, пуласси" ятпа "çавра сĕтел" иртнĕ.

Мероприятие Наци çурчĕн директорĕн çумĕ Александр Пономарь уçнă. Вăл Мускавпа Чăваш Ен хушшинче туслăх ĕлĕк-авалах çирĕпленни çинчен каланă. "Чăвашсем XVI ĕмĕрте хăйсен ирĕкĕпе Раççей патшалăхне кĕрсе тăван çĕр-шывăн нумай нациллĕ туслă та çирĕп çемйин пĕр пайĕ пулса тăнă", - палăртнă А.Пономарь. Çак шухăшпа Чăваш Енĕн РФ Президенчĕ çумĕнчи полномочиллĕ представителĕ Леонид Волков та килĕшнĕ.

1 Apr, 2014

Шăккалат, аш-какай çимĕçĕ, авалхи наци тумĕ - парне вырăнне Чăваш Енрен çак япаласене ытларах илсе каяççĕ.

Уйрăмах сумлă парнесен шутĕнче - шăрттан. Çак сулăма шута илсе аш-какай комбиначĕсем вĕсене ятарлă чĕркемре кăлараççĕ. Пылак çимĕç те хисепре. Печени, канфет, десерт... "Акконд" фабрика кăларакан çимĕçе халăх уйрăмах кăмăллать. Парнелеме хитре коробкăсене вырнаçтарнă, çатăрка хутсемпе чĕркенĕ хаклă йышши канфет-премĕке туянаççĕ.

1 Apr, 2014 | Культура

Чăваш туйĕ - чăн-чăн театр, унăн йăли-йĕрки питĕ пуян. Апла пулин те вăл паянхи çамрăка илĕртмест. Яш-кĕрĕмпе хĕр-упраç ăна хăйнешкел, çĕнĕлĕхсем хушса йĕркелесе ирттерет. Çав вăхăтрах ытти тĕрĕк халăхĕ ĕлĕкхи туй йăли-йĕркине пăхăнать. Пирĕн те туйăн хăш-пĕр элементне чĕртсе тăратма май çук-ши?

Pages

Subscribe to