Кăрлачра уяв-кану кунĕ нумаййине кура çак уйăхри кăтартусем тăрăх кăна çулталăк мĕнле пулассине палăртма, паллах, йывăр, çапах пуçламĕшĕ малалли ĕçе витĕм кӳни те паллă. Тунтикун ЧР Пуçлăхĕ Олег Николаев ĕç тăвакан влаç органĕсен тата муниципалитетсен ертӳçисемпе ирттернĕ канашлура шăпах кăрлачри ĕç-хĕле тишкерчĕç те — чылай енĕпе кăтартусем ӳсĕмлĕ пулни кăçалхи ĕçсем аван пуласса шанма май парать.
Республикăн ял хуçалăх отраслĕ апат-çимĕçĕн тĕп тĕсĕсемпе Чăваш Ене туллин тивĕçтерет кăна мар, регион тулашне ăсатмалăх та продукци хатĕрлет.
Хваттерсен хуçисен республикăн Капиталлă юсав фончĕ умĕнчи парăмĕ 608 миллион тенкĕпе танлашать. Çак парăмăн самай пысăк пайне шыраса илеесси те иккĕленӳллĕ. Кун çинчен тунтикун пĕрремĕш вице-премьер — финанс министрĕ Михаил Ноздряков ĕç тăвакан влаç органĕсен тата муниципалитетсен ертӳçисемпе ирттернĕ канашлура фонд директорĕ Светлана Баранова пĕлтерчĕ.
ЧР Пуçлăхĕ Олег Николаев тунтикун ĕç тăвакан влаç органĕсен тата муниципалитетсен ертӳçисемпе ирттернĕ канашлура республикăн адреслă инвестици программи тавра тĕплĕ калаçу пулчĕ. Шел те, вăхăтра хута ярас тĕлĕшпе иккĕленӳ çуратакан объектсем пур...
2024 çул пуçланчĕ çеç — «Хыпар» Издательство çуртĕнче вара тĕлпулу хыççăн тĕлпулу иртет. Вĕсенчен пĕри — «Тантăш» хаçатăн çамрăк корреспонденчĕсемпе йĕркеленĕ «Юнкорăн ыйту пур» çавра сĕтел.
Правительство пурăнмалли çурт-йĕр хутшăнăвĕсем тата вырăнти хăй тытăмлăх органĕсене патшалăхăн уйрăм полномочийсемпе тивĕçтересси çинчен калакан саккун проектне ырларĕ. Строительство министрĕ Михаил Коледа палăртнă тăрăх, тӳрлетӳсем тăлăхсем пурăнмалли лаптăкăн ятарлă найм килĕшĕвне икĕ çуллăх кĕскетме пултарассине симĕс çутă параççĕ. Çав вăхăт вĕçленсен социаллă найм килĕшĕвĕ туса хваттере харпăрлăха куçарма пулать. Хальччен тăлăхсемпе 5 çуллăх килĕшӳ тунă, малашне вара ку вăхăта 3 çуллăха кĕскетме пулĕ.
Министрсен Кабинечĕ юнкун ЧР Пуçлăхĕ Олег Николаев ертсе пынипе иртнĕ ларура кăрлачăн 1-мĕшĕнчен республикăн патшалăх учрежденийĕсен ĕçченĕсен шалăвĕ пысăкланассине çирĕплетрĕ.
Тунтикунхи канашлура Çул-йĕр фончĕн укçипе усă курнине тишкерчĕç. Республика Пуçлăхĕ ку сферăра ĕçе вăйлатассине Чăвашупрдорпа çыхăнтарать. Олег Николаев çулсем çинчи ĕçсене, укçапа усă курассине шăпах çак учреждени çирĕп тĕрĕслесе тăмалли çинчен каларĕ. Вăл çак полномочипе тухăçлă усă курни ĕçсен пахалăхне те, укçапа типейлĕ усă курассине те тивĕçтерме пулăшĕ.
Республикăн 2023 çулхи социаллă пурнăçпа экономика аталанăвĕн малтанхи пĕтĕмлетĕвĕсемпе тунтикунхи канашлура экономика аталанăвĕн министрĕн тивĕçĕсене пурнăçлакан Дмитрий Бельцов паллаштарчĕ. Промышленноç производствин индексĕ 126,9% танлашнă. Тирпейлекен производствăсен кăтартăвĕ тата пысăкрах — 132% яхăн. Ял хуçалăхĕ те иртнĕ çула ӳсĕмлĕ вĕçленĕ. Сĕт суса илесси, аш-какай туса илесси хушăннă. Çăмарта тĕлĕшпе ыйтусем пур — ку продукци производстви чакнă.
2023 çулта республикăри бюджет ĕçченĕсен шалăвĕ 16% хушăннă. Халĕ вара кăмăллă тепĕр хыпар: кăçалхи кăрлачăн 1-мĕшĕнчен вĕсен ĕç укçи тата 8,5% пысăкланать — кун валли бюджетра кирлĕ чухлĕ укçа пăхса хăварнă. Çакăн çинчен ЧР Пуçлăхĕ Олег Николаев ĕç тăвакан влаç органĕсен тата муниципалитетсен ертӳçисемпе тунтикун ирттернĕ канашлура пĕрремĕш вице-премьер — финанс министрĕ Михаил Ноздряков пĕлтерчĕ.
Чăвашла верси
Русская версия
