Шурӑ халатлисене тав туса

Паян Шупашкарти Трактор тӑвакансен культура керменӗнче тухтӑрсем валли йӗркеленӗ "Тавах тухтӑрсене" ыркӑмӑллӑх концерчӗ иртрӗ.

Чи малтан кӑтартнӑ роликре коронавируспа чирленӗ кинемей тухтӑрсене асамҫӑпа танлаштарчӗ. Чӑнах та, пандеми вӑхӑтӗнче шурӑ халатлисем капашсӑр пысӑк ӗҫ тӑваҫҫӗ, кунне-ҫӗрне пӗлмесӗр тӑрӑшаҫҫӗ. Ҫакна ЧР сывлӑх сыхлавӗн министрӗ Владимир Степанов та палӑртрӗ.

"Пандеми пуҫланнӑранпа 2 ҫул ҫитет. Малтанах тухтӑрсем коронавируспа мӗнле кӗрешмеллине пӗлмен пулсан халӗ вӗсем чир умӗнче вӑйсӑрлӑхне туймаҫҫӗ, сиплев протоколӗсем те улшӑннӑ", - терӗ ЧР Патшалăх Канашĕн депутачӗ Леонид Черкесов. Савватий митрополит тухтӑрсем ырӑ ӗҫ тунине палӑртрӗ.

Шурӑ халатлисене ЧР Сывлӑх сыхлавӗн Хисеп хучӗпе, ЧР Патшалӑх Канашӗн Хисеп хучӗпе, Раҫҫей сенаторӗн Тав хучӗпе тата ытти наградӑпа чысларӗҫ.

www.hypar.ru