Новости по теме

22 Юпа, 2021

Суя сертификатсемпе усă кураççĕ

Коронавирус сарăлассине чарас енĕпе ĕçлекен оперативлă штабăн черетлĕ ларăвĕ иртрĕ. ЧР Пуçлăхĕ Олег Николаев палăртнă тăрăх, чирлекенсен шучĕ ӳснипе медучрежденисенче те лару-тăру кăткăсланнă: кислород аппарачĕсем, эмелсем çитмеççĕ. Акă Хĕрлĕ Чутайри райбольницăри стационара «хĕрлĕ зонăна» куçарнă.

Сывлăх
21 Юпа, 2021

Çеçпĕл Мишши ячĕллĕ кăçалхи премийĕн лауреачĕсем паллă

Çеçпĕл Мишши ячĕллĕ Чăваш республикин фончĕ (фонд директорĕ – В.В. Тургай) Пĕтĕм тĕнчери Çеçпĕл Мишши ячĕллĕ премипе кăçал Алексей Енейкина тата Антонина Андреевăна чыслать.

Культура
20 Юпа, 2021

2022 çулхи бюджет та социаллă тăкаксене тĕпе хурĕ

Чăваш Ен çитес çул мĕнле бюджетпа пурăнасси халех уçăмланать — Министрсен Кабинечĕн юнкун ЧР Пуçлăхĕ Олег Николаев ертсе пынипе иртнĕ черетсĕр ларăвĕнче республикăн 2022 çулхи тата планпа пăхнă 2023, 2024 çулсенчи бюджечĕ çинчен калакан саккун проектне ырларĕç.

Кун хыççăн кун
18 Юпа, 2021

Чăваш салтакĕсене асăнса…

Смоленск облаçĕнчи Вязьма хулинчи асăну хирĕнче Чăваш Енрен Тăван Çĕршывăн Аслă вăрçине хутшăннă салтаксене халалласа асăну плитисем уçнă.

Çакна РусГидро партнерĕсем пулăшнипе йĕркеленĕ. Каярах унта ятарлă чул вырнаçтарĕç. Унта историри пулăма сăнлакан кĕнеке тата каска пулĕç. Асăну плитисене 2022 çулхи ака уйăхĕнче уçма палăртнă. Унта Çĕнĕ Шупашкарти химипе механика техникумĕн «Ирĕклĕ шырав» отряд та, пуç хунă салтаксен тăванĕсем те хутшăнĕç.

Кун хыççăн кун
18 Юпа, 2021

Куславкка районĕ «Вăрмана упрар» акцие хутшăннă

Çĕнĕ Тĕрлемес ялĕ çывăхĕнчи çӳп-çап купи патĕнче 660 йывăç (çăка, хыр, лиственница) лартнă.

Çак вырăна ахальтен суйламан. Малашне вăрман тăрăхĕ çĕр эрозийĕнчен сыхлĕ. Акцие Чăваш Республикин Пуçлăхĕн Администрацийĕн ертӳçи Вячеслав Борисов та, ЧР çут çанталăк ресурсĕсен тата экологи министерствин министрĕ Эмир Бедертдинов та, Куславкка район администрацийĕн пуçлăхĕ Фирдавиль Искандаров та, волонтер шкул ачисем те хутшăннă.

www.hypar.ru

Кун хыççăн кун
18 Юпа, 2021

Ача сачĕсем те каникула кайĕç

Çĕршыври эпидемипе çыхăннă лару-тăру çивĕччине палăртрĕ паянхи канашлура Чăваш Ен Пуçлăхĕ Олег Николаев. Çав шутра — Чăваш Енре те. Çавна май потребитель рынокĕнче ĕçлекенсен хушшинче вакцинациленнĕ йыш пĕчĕккипе ниепле те çырлахма юрамасть.

Сывлăх
18 Юпа, 2021

Укçа çитменни чăрмантарать

Çак тапхăрта стройматериалсем хакланнине кура тăкаксем пысăкланнине çирĕплетесси пысăк пĕлтерĕшĕ. Кун пирки Чăваш Ен Пуçлăхĕ Олег Николаев тунтикунхи канашлура каланă. Вăл хăй те çак ĕçрен ютшăнмĕ — служба командировкисене кайма, çак ыйтусене Раççей вице-премьерĕпе Марат Хуснуллинпа, федераци министрĕсемпе курнăçса сӳтсе явма хатĕррине палăртрĕ. Олег Алексеевич шучĕпе, федераци укçипе тăвакан объектсем хакланнине Мускав укçипех саплаштармалла.

Кун хыççăн кун
18 Юпа, 2021

Ĕçсĕрлĕх шайĕ ковид умĕнхи тапхăрпа танлашнă

Республика экспорта пысăклатса пырать. Кун пирки Чăваш Ен Пуçлăхĕ Олег Николаев тунтикунсерен ирттерекен канашлура калаçрĕç. Республика паян 96 çĕршывпа тулаш экономика çыхăнăвĕсене аталантарать. Экспорт кăçал 433 миллион доллара çитнĕ — 2021 çулхи кăрлач-авăн уйăхĕсенчи кăтартуран 15% пысăкрах.

Кун хыççăн кун
18 Юпа, 2021

Тăхăр уйăх кăтартăвĕсем ӳсĕмлĕ

«Çулталăка вĕçлессине прогнозламалли чикĕ» — социаллă пурнăçпа экономика аталанăвĕн тăхăр уйăхри кăтартăвĕсене ЧР Пуçлăхĕ Олег Николаев çапла хакларĕ. Вĕсене ĕç тăвакан влаç органĕсен тата муниципалитетсен ертӳçисемпе тунтикунсерен ирттерекен канашлура пĕтĕмлетрĕç.

Кун хыççăн кун

Pages

Хыпарсем