Новости по теме

25 Юпа, 2021

Чи лайăх вĕренекене палăртнă

«Çулталăк вĕренекенĕ-2021» Пĕтĕм Раççей конкурсĕн регион тапхăрĕн финалне пĕтĕмлетнĕ.

Шупашкарти 57-мĕш шкулта вĕренекен Варвара Еремеева çĕнтерӳçĕ пулса тăнă. 2 степень лауреачĕ — Егор Грачев /Шупашкарти 31-мĕш шкул/, 3 степень лауреачĕ — Анна Ильина /Çĕрпӳри М.В. Силантьев ячĕллĕ 1-мĕш шкул/. Конкурса пĕтĕмпе 25 çын хутшăннă.

www.hypar.ru Cap.ru сăн ÿкерчĕкĕ

Вĕрентÿ
25 Юпа, 2021

Суд приставĕсемпе çыхăнма

Парăмсем пуррипе çуккине пĕлме халĕ питĕ ансат — ЧР Суд приставĕсен Федераци службин управленийĕн сайтне çеç кĕмелле.

«Банк данных исполнительных производств» сервис пулăшнипе кирлĕ информаци илме пулать. Е телефонран «ФССП России» приложенипе усă курма май пур. Тепĕр мел — республикăри нумай функциллĕ центрсем.

www.hypar.ru

Кун хыççăн кун
23 Юпа, 2021

Аслӑ Пуху уҫӑлчӗ

Паян Чӑваш патшалӑх академи драма театрӗнче Чӑваш наци конгресӗн 11-мӗш Аслӑ Пухӑвӗ уҫӑлчӗ. Унӑн ӗҫне ЧР Пуҫлӑхӗ Олег Николаев, регионсенчен килнӗ йӑхташӑмӑрсем, чӑвашлӑха аталантарассишӗн тӑрӑшакан хастарсем хутшӑнаҫҫӗ. Кун йӗркинче - конгресӑн юлашки вӑхӑтри ӗҫ-хӗлне тишкерсе хак парасси, малашлӑх тӗллевӗсене палӑртасси.

Культура
22 Юпа, 2021

Ленинград паттăрĕсене асра тытасчĕ

Тăван çĕршывăн Аслă вăрçи вăхăтĕнче Ленинград хулине тăшманран хӳтĕлеме 15 пин ытла чăваш салтакĕ хутшăннă, вĕсенчен 5000-ĕшĕ Питĕр çĕрĕ çинчех выртса юлнă, 1800-ĕшĕ «Ленинграда хӳтĕленĕшĕн» медале тивĕçнĕ. Шăпах çав паттăрсем çинчен материал пуçтарма тытăннă та Питĕрти чăвашсем. Акă пĕрремĕш ĕçĕ — «Мы шли на помощь к тебе, Ленинград» кĕнеке — вулакан патне çитрĕ.

Культура
22 Юпа, 2021

«Тухăçлă регион» ĕçе пулăшать

Тĕп хула администрацийĕнче эрнекун ЧР Пуçлăхĕ Олег Николаев хутшăннипе районсемпе хуласен администрацийĕсен ертӳçисем валли семинар иртрĕ. Унта пăхăннисем хăйсен ĕçне тухăçлăрах йĕркелеме вĕренчĕç.

Кун хыççăн кун
22 Юпа, 2021

Вера Кузьминан чĕри тапма чарăннă

98 çула кăшт çеç çитеймерĕ Чăваш АССР тава тивĕçлĕ, РСФСР тава тивĕçлĕ, РСФСР халăх, СССР халăх артистки Вера Кузьмина. Паян унпа яланлăхах сыв пуллашма тивет. К.В.Иванов ячĕллĕ Чăваш патшалăх академи драма театрĕнче 70 çул ытла вăй хунă мухтавлă актриса.

Вера Кузьмина 1923 çулхи чӳк уйăхĕн 16-мĕшĕнче Çĕрпӳ уесĕнчи Енĕш Нăрвашра /халĕ Чăваш Республикинчи Тăвай районĕ/ çуралнă. А.В. Луначарский ячĕллĕ ГИТИСра актер ăсталахне вĕреннĕ.

Культура
22 Юпа, 2021

Пăхаттирсем вăй виçрĕç

Паян Шупашкарти коопераци институтĕнче вăй-хал виçессипе ял çамрăкĕсен Пĕтĕм Раççейри турнирĕн регионти тапхăрĕ иртрĕ.

Мероприятие "Ял территорине комплекслă аталантарасси" патшалăх программипе килĕшÿллĕн йĕркеленĕ. Унта Чăваш Енри йывăр атлетика федерацийĕн президенчĕ Геннадий Иванов, ЧР ял хуçалăх министрĕн заместителĕ Сергей Фролов, Чăвашпотребсоюз канашĕн председателĕ Валерий Павлов, яваплă ытти çынсем хутшăнчĕç, спортсменсене ăнăçусем сунчĕç.

Спорт

Pages

Хыпарсем