Ĕç тăвакан влаç органĕсен тата муниципалитетсен ертÿçисемпе ирттернĕ тунтикунхи канашлăва ЧР Пуçлăхĕ Олег Николаев пăтăрмахран — Çĕрпÿ округĕнче Çĕпĕр мурĕ çынсене ернĕ тĕслĕхе тупса палăртнинчен — пуçларĕ. Кунашкалли тата пуласран хÿтĕленме, ун шучĕпе, выльăха пуснă хыççăн продукцин малалли çулне уçăмлă туни пысăк пĕлтерĕшлĕ. Çавна май вăл ветеринари службине ку енĕпе право хуралĕн органĕсемпе пĕрле ĕçлеме чĕнсе каларĕ.
Украинăри çар операцине хутшăнакан салтаксем икĕ эрне отпускра пулнă хыççăн хăйсен тивĕçне пурнăçлама тухса кайрĕç. Вĕсене çывăх çыннисем Шупашкартан ăсатса ячĕç.
"Хыпар" Издательство ҫурчĕн ĕҫченĕсем Красноармейски округĕнчи Яманак ялĕн вулавӑшне кĕнекесем парнеленĕ.
"Чун ҫимĕҫĕн" ытларах пайне "Хыпар" Издательство ҫурчĕн тĕп редакторĕн ҫумĕ Дмитрий Моисеев парса янӑ. Вулавӑш хуҫи Галина Ефимова чунтан савӑннă, хыпарҫӑсене ӑшшӑн тав тунă.
Çамрăк ÿнерçĕ Çĕнĕ Шупашкарта çуралса ÿснĕ. Нумаях пулмасть çеç вăл Питĕрти Иогансон ячĕллĕ ÿнер лицейĕнчен вĕренсе тухнă.
Иван Яковлевич çуралнăранпа 175 çул çитнине халалланă мероприятисем Тутарстанра та иртĕç.
Тунтикунхи канашлура республика хăвăрт пухмалли конструкцисенчен ачасем валли кану лагерĕсем тумалли поекта хутшăнас ыйтăва сӳтсе яврĕç.
Ĕç тăвакан влаç органĕсен тата муниципалитетсен ертӳçисемпе тунтикунсерен ирттерекен канашлăва ЧР Пуçлăхĕ Олег Николаев ку хутĕнче çулсене пăхса тăрас тĕлĕшпе тимлĕ пулма чĕнсе каланинчен пуçларĕ: «Çуркунне çитнĕ май асфальт арканать, штăк-путăк çул çӳреве чăрмантарать. Çулсен вăл е ку сыпăкĕсене хăçан йĕркене кĕртесси çинчен халăха информаци парсан çынсен кăмăлсăр ыйту сахалрах пулĕ...»
Чăваш наци музейĕ «Тăван çĕршыва хӳтĕлес ĕçри кино» Пĕтĕм Раççейри куçса çӳрекен фестивале хутшăнать.
«Çĕнĕ хум политикĕсем» — Правительство çуртĕнче çак ятпа эрнекун иртнĕ семинара министрсем, муниципалитетсен ертӳçисем хутшăнчĕç. Калаçу паянхи условисенче чиновниксен, политиксен социаллă сетьсенче, интернет анлăшĕнче хăйсене мĕнле тытмалли тавра пычĕ. Шута илмелли ку сферăра пайтах — вĕсем çине алă сулсан халăх шанăçне çухатасси те часах.
Республика бюджечĕ 2,7 миллиард тенкĕлĕх пысăкланать. Çакăн çинчен кĕçнерникун Министрсен Кабинечĕн ларăвĕнче пĕрремĕш вице-премьер - финанс министрĕ Михаил Ноздряков пĕлтерчĕ.
Чăвашла верси
Русская версия
