Новости по теме

Надежа КОШЕЛЕВА, Патăрьел районĕнчи Аслă Чемен шкулĕн вĕрентекенӗ:

- Коронавирус пирки пӗлсех унран чылайӑшӗ сыхланаймарӗ. Сыватмӑшра выртса тухакансем те, килте чирлесе ирттерекенсем те пулчӗç. Пӗрле ӗçлекенсенчен пурте тенӗ пекех прививка тутарчӗç. Йышран эпӗ те юлас темерӗм. Икӗ хутӗнче те температура 37.5 пулчӗ, шӑм-шак сурчӗ. Эмел ӗçни пулӑшрӗ. Чир питӗ хӑрушӑ, мӗн чухлӗ çын, пӗлӗш ӑна пула вӑхӑтсӑр пурнӑçран уйрӑлчӗ. Коронавируса çӗнтерес тесен прививка тутармаллах тесе шухӑшлатӑп.

Ольга КАЛИТОВА, «Çамрăксен хаçачĕн» корреспонденчĕ:

— Коронавирус пирки статьясем хатĕрленĕ чухне «Хĕрлĕ зонăра» ĕçлекен тухтăрсемпе час-часах калаçма тÿр килчĕ. Реанимацире ИВЛ-аппаратпа сывлакан пациентсем пирки итленĕ чухне çан-çурăм çÿçенчĕ. Тухтăрсем каласа кăтартнине куç умне кăлараттăм — чирлисене те, вĕсене сыватакансене те шеллеттĕм.

ЧР Тĕп суйлав комиссийĕ эрнекун «Тĕрĕс Раççей — Патриотсем — Тĕрĕслĕхшĕн» партирен Чăваш Енри пĕр мандатлă округсенчен Патшалăх Думин депутатне суйланма Анатолий Аксаковпа Игорь Моляковран документсем йышăнчĕ.

Утă уйăхĕн 15-мĕшĕнчен тытăнса Чăваш энергосбыт компанийĕ электроэнергие шута илекен приборсен кăтартăвĕсене «Вконтакте» социаллă сеть урлă та йышăнма пуçланă.
Çапла тумашкăн потребительсен ЧЭСК страничкинче «Написать сообщение» тенине кăна пусмалла — чат-ботпа диалог пуçламалла. Чат-бот кăтартусене кашни уйăхăн 15-мĕш кунĕнчен пуçласа 25-мĕш кунĕччен йышăнать, — талăкĕпех, çав шутра — уяв тата кану кунĕсенче те. Çак тапхăрта потребительсем ытти мĕн пур ыйтăва пĕрлĕх стени çинче е постсен айĕнчи комментарисенче çырма пултараççĕ.