Короновирусран прививка тумалла

Роза АНДРЕЕВА, Красноармейски районĕнчи Кушкă ялĕнче пурăнакан, 75 çулта:

- Виçĕм кун коронавирусран иккĕмĕш прививкăна тутартăм. Халĕ хама аванах туятăп. Пĕрремĕшне тутарнă хыççăн та нимĕн те туймарăм, ӳт температури ӳсмерĕ, укол тунă вырăн ыратмарĕ. Тухтăр виçĕ кун мунча кĕме, йывăр ĕçлеме юраманни пирки асăрхаттарчĕ. Паллах, вăл каланине пăхăнтăм.
Ялти ФАП фельдшерĕ коронавирусран прививка тутарма сĕнсен тӳрех килĕшмерĕм, ачасемпе канашлас терĕм. Ара, халĕ темĕнле сас-хура та çӳрет. «Тухтăрсем каланă тăк тумаллах», - хĕрĕм çапла каласан иккĕленӳ сирĕлчĕ. Вакцинациленнĕшĕн пĕрре те ӳкĕнместĕп, пачах тепĕр май, халĕ хама каварлă чир умĕнче шанчăклă туятăп.

www.hypar.ru