Новости по теме

30 Çĕртме, 2022

Хăш-пĕр лесник ма мăнтăр?

Патшалăх Канашĕн черетлĕ вуннăмĕш сессийĕ Пĕтĕм тĕнчери парламентаризм кунĕпе пĕр килчĕ те — Леонид Черкесов спикер ларăва пухăннисене паллă кун ячĕпе саламланинчен пуçларĕ. Ун шучĕпе, парламент дипломатийĕ паян, çĕршывсен хушшинчи хутшăнусем çивĕч тапхăрта, уйрăмах пысăк пĕлтерĕшлĕ. Ĕçтешĕсене саламланă май пурне те парламент анинче тухăçлă ĕçлеме сунчĕ. Депутатсем çакна сессире тӳрре кăларчĕç темелле — кун йĕркинчи ыйтусенчен чылайăшне тишкересси самай хĕрӳллĕ пулчĕ.

Кун хыççăн кун
30 Çĕртме, 2022

«Чăвашла-вырăсла словарĕн» иккĕмĕш томĕ пичетленсе тухнă

2021 çулта Чăваш кĕнеке издательствинче М.И. Скворцовăн «Чăвашла-вырăсла словарĕн» пĕрремĕш томĕ кун çути курнăччĕ. Унта чăваш алфавитĕнчи А–Р сас паллисенчен пуçланакан 30 000 яхăн сăмах кĕнĕ. Тин кăна иккĕмĕш томĕ пичетленсе тухрĕ. Унта Р–Я сас паллисенчен пуçланакан 30 пине яхăн сăмах кĕнĕ.

Культура
28 Çĕртме, 2022

Каяшсен купинчи... коррупци

Çапла, унта та коррупци пур иккен. Çакна Коррупципе кĕрешессине йĕркелекен комиссин ытларикун ЧР Пуçлăхĕ Олег Николаев ертсе пынипе иртнĕ ларăвĕ çирĕплетрĕ. Унта ведомствăсем каяшсене пухас-тирпейлес ĕçри преступленисене, çав шутра бюджет укçине вăрланă тĕслĕхсене тупса палăртнине пĕтĕмлетрĕç.

Публицист шухăшĕ
27 Çĕртме, 2022

Ларусене ячĕшĕн ирттермелле мар

Республика кунĕ интереслĕ вун-вун мероприятипе, çĕнĕ тĕл пулусемпе, пысăк пĕлтерĕшлĕ тĕллевсене палăртнипе асра юлĕ. ЧР Пуçлăхĕ Олег Николаев ĕç тăвакан влаç органĕсен тата муниципалитетсен ертӳçисемпе тунтикун ирттернĕ канашлу уява пĕтĕмлетнинчен пуçланчĕ.

24 Çĕртме, 2022

Маттур та хастар хӗрарӑмсене чысларӗç

Чăваш Республикинчи Хĕрарăмсен союзĕ  иккĕмĕш хутчен "Эпĕ - хĕрарăм" конкурс ирттерчĕ. Кăçал унта 500 яхӑн пике-арăм хутшăнма кăмăл тунă.

Малтанхи пекех хальхинче те çĕнтерÿçе палăртмашкăн çынсен шухăшне шута илчĕç. Çавăнпах кашниех ентешшӗн е пĕлĕшшĕн сасăлама пултарнă. Çĕнтерÿçĕсен ячĕсем паллă та ĕнтĕ. Паян вĕсене Чăваш патшалăх филармонийĕнче чысларĕç.

Маттур та пултаруллă хĕрарăмсене Раççей культура министрĕн çумĕ Ольга Ярилова саламларĕ.

Культура
24 Çĕртме, 2022

Шупашкарта тĕрлĕ чĕлхе янăрать

Паян Шупашкар уяв лапамне çаврăнчĕ. Пĕтĕм Раççейри ача-пăча фольклориадине 1100 çын хутшăнать.

Фестиваль пĕрремĕш хут иртет. Çĕршывра халиччен кунашкалли пулман. Фольклориадăна Раççейри халăхсен культура еткерлĕхĕн çулталăкĕпе килĕшÿллĕн ирттереççĕ. Унта 76 регионран çитнĕ пултарулăх коллективĕсем хутшăнаççĕ. Çак кунсенче Шупашкарта якут, алтай, ирçе, çармăс, пушкăрт тата ытти чĕлхене те илтме пулать.

Культура
24 Çĕртме, 2022

Доллар 6 тенкĕ пулма пултарасси тата ытти çинчен

Экономика форумĕн импорта хамăрăн продукципе улăштарассипе çыхăннă теми тавра пуçарнă анлă калаçу эрнекун «Шупашкар — Арена» пăр керменте пĕрлехи ларура малалла тăсăлчĕ.

Кун хыççăн кун
24 Çĕртме, 2022

Пулă тытма кам ăста?

Çĕртме уйăхĕн 23-мĕшĕнче Куславккара Атăл юхан шывĕн çыранĕнче «Пулăç фестивалĕн» уçă турнирĕ иртнĕ.

Çак мероприятие Республика кунне халалланă. Пулă тытакансем «Фирдавил тата Компани» тулли мар яваплă обществăн кубокĕшĕн ăмăртнă. Турнир 9 сехетрен пуçласа 11-ччен пынă. Кашни пулăçа уйрăм вырăнпа тивĕçтернĕ. Унтан мĕн чухлĕ пулă тытнине тарасапа виçсе тĕрĕсленĕ. Çĕнтерӳçĕсене дипломсемпе, медальсемпе тата хаклă парнепе савăнтарнă.

www.hypar.ru Cap.ru сăн ÿкерчĕкĕ

Кун хыççăн кун
24 Çĕртме, 2022

Шыçăран хăтарнă

1958 çулта çуралнă хĕрарăма Шупашкарти Васкавлă пулăшу больницине илсе çитернĕ. Тĕрĕслев хыççăн çакă палăрнă — хĕрарăмăн вар хырăмĕнче рак чирĕ аталаннă, 4-мĕш стадие çитнĕ. Шыççа пула апат çулĕ те хупланнă. Вăхăт-вăхăтăн унран юн тухса тăни лару-тăрăва тата йывăрлатнă, анеми патне илсе çитернĕ.

Сывлăх

Pages

Хыпарсем