Консервланă çимĕçсем усăллă-и?

Пахча çимĕçпе улма-çырлана консервланă чухне витаминсен пĕр пайĕ арканать, упранă май çухалать.

• С витамин. Метела лексен хăвăрт арканать. Эмальленĕ е тутăхман хурçăран тунă савăт-сапапа усă курмалла. Çак витамин улма-çырлапа пахча çимĕçе шăнтсан лайăх сыхланса юлать /90 процента çити/.
• В1 витамин тиамин. Компот, джем хатĕрленĕ май сахал арканать.
• В2 витамин рибофлавин. Вĕрилентернине çăмăллăнах чăтса ирттерет, урăхла каласан, консервланă чухне витамин çухалманпа пĕрех. Анчах та уншăн хĕвел çути сиенлĕ.
• РР витамин никотин йÿçекĕ. Пĕçернĕ чухне çухалмасть, нумай вăхăт упрасан та, типĕтсен те сыхланса юлать.
• В9 витамин. Пĕçерсен-ăшаласан вăл 50-90: çити çухалать.
• А провитамин каротиноид. Шывра ирĕлмест, çура лайăх ирĕлет. Çавăнпа каротиноид пур пахча çимĕçе ÿсен-тăран çăвĕ хушса пăшăхлаççĕ.
• Микроэлементсем, органика йÿçекĕсем. Консервланă чухне арканманпа пĕрех.
• Эфир çăвĕсем. Шăнтсан лайăх сыхланса юлаççĕ.