Каçалсен Тараевĕ, е Хĕрхенме пултаракан çеç чаплă сунарçă пулать

«Шыва кура пулла тух», - теççĕ халăхра. Кайăк-кĕшĕк йышли вара сунара чĕнет. Сунар пирки сăмах ытахальтен пуçармарăм. Августăн 15-мĕшĕнче Чăваш Енре сунар сезонĕ уçăлчĕ. Вăл ноябрĕн 15-мĕшĕччен тăсăлĕ. Каçал тăрăхĕнчи сунарçăсем сунара чĕнчĕç те хаваспах килĕшрĕм. Чăваш сунарĕ çинчен тахçанах çырма ĕмĕтленеттĕмччĕ. Çынсем сунара мĕн тĕллевпе çÿреççĕ? 50 çул каяллахипе танлаштарсан Чăваш Енре кайăк-кĕшĕк, чĕрчун йышĕ чакман-и? Çак тата ытти ыйту кăсăклантарчĕ мана.

- Сунарçăн талăкра 5 кайăк кăвакал, 2 хуркайăк, 5 ăсан, 3 пăчăр, 5 кăрăпчак /вальдшнеп/ кăна тытма юрать. Кун валли ятарласа путевка туянмалла, - çапла ăнлантарчĕ мана Чăваш Енри патшалăх сунар службин Комсомольски районĕнчи инспекторĕ Александр Шуряшкин. Каçал тăрăхĕнче кăçал 25 сунарçă кайăк кăвакал тытма путевка илнĕ-мĕн. Сăмах май, эпĕ пынă кун та сунар службин пÿлĕмĕнчен çын татăлмарĕ. Хăшĕсем ли­цензисемпе путевкăсем илчĕç, теприсем пуçласа сунар билечĕллĕ пулчĕç.

- Комсомольски районĕнче пурĕ 300 ытла çыннăн пăшал пур. Апла пулин те вĕсем пурте сунара çÿремеççĕ. Ухутана ялан çÿрекенсем 25-30 çын кăна. Хăвăра пĕлме: августăн 1-мĕшĕнчен хир сыснисене вышка çинчен пăшал­тан пеме ирĕк пур. Сентябрĕн 15-мĕ­шĕнчен - тилĕсене, октябрĕн 1-мĕшĕнчен - вăрман мулкачисене, хиртисене /карсаксене/, октябрĕн 10-мĕшĕнчен хăнтăрсене, хир сыснисене /ирĕклĕн/ тытмалли сезон уçăлать, - уçăмлатрĕ Алек­сандр Олегович. Вăл асăннă должноçра - иккĕмĕш çул кăна-ха. Маларах, Йошкар-Олари вăрман университетне пĕтернĕ хыççăн, пĕр тапхăр пушарнăйра вăй хунă.

Кăнтăрла хыççăн эпир сунара хатĕрленме тесе Вутлана /Алек­сандр Олегович çав ялта çуралса Jÿснĕ/ çул тытрăмăр. Ка­лаçу пирĕн - чĕрчун тĕнчи пиркиех-ха. Малалла вулас...

Роза ВЛАСОВА