2013 çул вĕçĕнче Çĕрпÿ районĕнчи шкулсенче вĕренекен çамрăк çыравçăсен «Çавал» ентешлĕхĕ йĕркеленнĕренпе 20 çул çитнине халалланă «Çĕрпÿ енĕн паллă çыннисем» пултарулăх конкурсне ирттертĕмĕр. Шкул ачисене хамăр тăрăхри сумлă, хисеплĕ çынсен ырă та пархатарлă енĕсене курма, вĕсем çинчен тĕплĕнрех пĕлме хавхалантарас, çамрăк çыравçăсен ăсталăхĕпе пултарулăхне ÿс- терме пулăшас тĕллев лартрăмăр хамăр ума.
Вăрмар районĕнчи Энĕшпуç шкулĕн вун пĕрмĕш класĕнче вĕренекен Николай Васильев хăйĕн хĕресне амăшĕпе, Тĕнче ăмăртăвĕсенче çăмăл атлетикăра пĕрре мар çитĕнӳ тунă, хальхи вăхăтра Раççейри Чрезвычайлă лару-тăру министерствин Чăваш Енри Тĕп управленийĕнче вăй хуракан Светлана Захаровăпа чĕререн мăнаçланать.
Кушак çулĕнче çуралнăскере ашшĕпе амăшĕ арăслан пек вăйлă пултăрччĕ тесе Лев ят панă. Арçын ача ÿсерехпе кил таврашĕнчи ĕçсенче ытларах та ытларах пулăшма тытăннă. Шăллĕпе йăмăкĕшĕн те вăл - чăн-чăн хÿтĕлевçĕ, арăслан пекех. Вун пĕр çулти Ваня урок тума ларсан, пиччĕшĕ яланах çумра. Ксюша та унран хăпасшăн мар.
Чăвашла верси
Русская версия
