Хĕл Мучи килет

Раштавăн 14-мĕшĕнче Аслă Устюгран Шупашкара Хĕл Мучи килет.

Çĕршыври чи аслă Хĕл Мучине А.Г.Николаев космонавт ячĕллĕ ача-пăча паркĕнче кĕтсе илме хатĕрленеççĕ. Кунта пысăк уяв пулĕ. Çав шутрах — Çĕнĕ çул уявĕн тумĕсен конкурсĕ те. Тупăшу «Çĕнĕ çул çемйи», «Чи пĕчĕк Хĕл Мучи», «Чи çамрăк Юр пике», «Мистер Юр кĕлетке», «Юмахра хăнара» номинацисенче иртĕ. Конкурса кăмăл пуррисем пурте хутшăнма пултараççĕ. Йĕркелÿçĕсем пĕлтернĕ тăрăх — çĕнтерÿçĕсене çав кунах чыслаççĕ.

www.hypar.ru

Валентина БАГАДЕРОВА хатĕрленĕ.