Çутăсăр юлнă ялсен шăпипе республика Пуçлăхĕ Мускавра та кăсăкланнă

Паян ирпе, çурçĕр иртсен, Шупашкарти гидроэлектростанцире ваннине пула Улатăр, Пăрачкав, Канаш, Шăмăршă, Патăрьел тата Комсомольски районĕсенчи 224 ял çутăсăр юлнă. Çутта çавăн пекех Тутарстанри 7 районта сÿнтернĕ.

Инкеклĕ лару-тăрăва вăраха яман, çурçĕр иртни 1 сехет те 52 минутра çутă парассине йĕркелесе янă.

Чăваш Ен Пуçлăхĕ Михаил Игнатьев паян Мускавра ĕçлĕ командировкăра пулин те ку ыйтăва яваплисемпе телефонпа сÿтсе явнă. Республика ертÿçин пресс-служби пĕлтернĕ тăрăх, Михаил Васильевич хушнипе ятарлă штаб васкавлă ларăва пуçтарăннă. Çутă енпе халĕ нимĕнле йывăрлăх та çук, гидроэлектростанци йĕркеллех ĕçлет.

 

Вера ТИТОВА. Dlyakota.ru сайтри сăн ÿкерчĕк.

Комментари хушас