Комментари хушас

Чăваш театрĕсенчи пурнăç çинчен артистсемпе режиссерсем хăйсем çырнă кĕнекесем нумай мар. Тани Юн, Зоя Ярдыкова, Геннадий Терентьев асаилнисене тата колхоз театрĕсем çинчен кăларнă кĕнекесене вуланăччĕ. Паллах, И.С.Максимов-Кошкинский, П.Н.Осипов, Г.В.Тал-Мăрса, М.Ф. Акимов-Аруй малтанхи утăмсене çутатни асра.

Чăваш Республикин тава тивĕçлĕ артисчĕ Надежда Кириллован «Щепкин шкулĕ. Пĕрремĕш чăваш студийĕ: кун кĕнекисем, çырусем, статьясем» /Чăваш кĕнеке кăларăшĕ, 2012, 384 с./ нумай сăнÿкерчĕклĕ, чăвашла тата вырăсла çырнă кĕнеки вĕсенчен тĕпренех уйрăлса тăрать.

Ăна Мускавра М.С.Щепкин ячĕллĕ театр аслă училищинче хăй 1978-1983 çулсенче вĕреннĕ чухне çырса пынă кун кĕнекинчен тата çырусемпе статьясенчен йĕркеленĕ. Надежда Мефодьевна юлашки вăхăтра чăваш театрĕн кунçулне тишкерсе тĕпчев ĕçĕсем пичетлесех пычĕ. 2014 çулта «Тăван Атăл» журналăн 10-мĕш кăларăмĕнче унăн «Пирĕн асăмри Айхи» асаилÿ статйи тухрĕ /«Чăваш сăмахĕн илем хисепне пире вĕрентекенсем виççĕнччĕ: Ева Николаевна Лисина, Геннадий Николаевич Айхи тата Геннадий Никандрович Волков»/. Çавна вулани мана артисткăн кĕнекине тепĕр хут тишкерсе тухма хистерĕ.

Студент чухне çырса пынисем, çырусемпе статьясем ыттисемшĕн кăсăк кĕнеке тумалăх пур-и вара? Пур иккен. Тата мĕнлерех-ха! Малалла вулас...