Комментари хушас

«Шăп пулăр, сасăпа ан калаçăр» - «кĕнеке храмĕн» çак правилине иртнĕ эрнекун Наци библиотекин çамрăк хăнисем вуçех манчĕç. Унăн акт залĕ пысăк тăхтава тухмалли шăнкăрав хыççăнхи шкул коридорне аса илтерчĕ. Вун-вун ача - пурте кулаççĕ, пĕри тепринчен хытăрах кăшкăрать - уяв ертÿçи хăйĕн хуравне илттĕр тет... Чăн та, библиотека ĕçченĕсен куншăн вĕсене хăтăрас шухăш пулмарĕ. Вĕсем хăйсем те çак ĕç-пуçа кăсăкланса сăнарĕç. Энергетиксем, «Чăваш энергосбыт компанийĕ» АУО /«РусГидро» АУО тытăмне кĕрет/ представителĕсем, йĕркеленĕ, Шупашкарти 4-мĕш гимназире тата 10-мĕш шкулта 3-мĕш классенче вĕренекенсем хутшăннă тĕлĕнмелле кĕнеке презентацийĕ чăн-чăн уява çаврăнчĕ.

Манăçнă кивви-и?

- Электростанцисем мĕнлисем пулаççĕ?

- Хĕвел, атом станцийĕсем, гидроэлектростанцисем! - пĕр-пĕрне пÿлсе хуравлаççĕ ачасем.

- Тем те пĕлетĕр иккен! - сăмахне тăсать ертÿçĕ. - Тата ытларах пĕлес килет-и? Апла-тăк сире «Хочу все знать» альманах пулăшĕ - унта çут тĕнче пирки пĕтĕмпех пур. Малалла вулас...