Комментари хушас

Çак ыйту хуравне паян Чăваш патшалăх филармонийĕнче «Таварпа тивĕçтерекен» суту-илÿ сессийĕнче шырарĕç.

Унта апат-çимĕç хатĕрлекенсемпе халăх туянакан тавара туса кăларакансем хутшăнчĕç, пĕрремĕш хутра йĕркеленĕ продукци куравĕпе паллашрĕç.

Сессие ЧР Пуçлăхĕ Олег Николаев та хутшăнчĕ, куравпа паллашрĕ. «Уçă кухня» шоура кулинарсем ирттернĕ мастер-класра кăтартнă апат-çимĕçпе кăсăкланчĕ. Иккĕмĕш хутра «Çĕнĕ чăнлăх тапхăрĕнчи потребительсен рынокĕ» ыйтупа пĕрлехи лару пулчĕ. Ăна ЧР Министрсен Кабинечĕн Председателĕн çумĕ — экономика аталанăвĕн министрĕ Дмитрий Краснов модератор пулса ертсе пычĕ. Унта республикăра пурăнакансене таварпа тата апат-çимĕç хăрушсăрлăхне тивĕçтерессипе, тавар туянакансен кăмăлĕ улшăнсах тăнипе, суту-илÿ формачĕсене улăштарассипе çыхăннă ыйтусене сÿтсе яврĕç. Çавăн пекех çĕнĕ чăнлăх тапхăрĕнче тавар туса кăларакансем улăштаракан политикăна, продукци потребитель патне епле çитнине, çынсене пулăшу ĕçĕпе мĕнле тивĕçтернине, импорт вырăнне хамăр тавара туса кăларас тата ассортимента çĕнетес ĕçе, продукци ытларах сутмалли тухăçлă мелсене тишкерчĕç.

www.hypar.ru Василий Кузьмин сăн ÿкерчĕкĕсем кунта...