Комментари хушас

v Шурă купăста çулçине çĕçĕпе каскаласа йĕрлемелле, мăкăльлĕ ÿт çине хурса çирĕплетмелле, çаплах çĕр каçмалла. Купăста çулçине пыл сĕрсен тата витĕмлĕрех.

v 1 апат кашăкĕ услам çăва 1 апат кашăкĕ пылпа, 1 çăмарта саррипе хутăштармалла, çăнăх ярса çемçерех чуста çăрмалла. Çĕрлене хирĕç çак чустаран йăваланă пашалăва укол хыççăн хытнă ÿт çине хурса çирĕплетмелле. Лайăхрах ăшăнма целлофанпа витме юрать. Темиçе каç сипленмелле.

v Тăварланă хăяра мăкăль пысăкăш çаврашкасем туса касмалла, сиенленнĕ тĕле хурса пластырьпе çирĕплетмелле. Процедурăна çĕрлене хирĕç тусан лайăхрах. Ир енне мăкăль çухалма кирлĕ. Пĕтмесен тепĕр процедура ирттерĕр.

v Çĕр улми те çакăн пек витĕмпе палăрса тăрать. Çунă чĕрĕ çĕр улмине çурмалла касса мăкăль çине шал енĕпе хумалла.

v Укол хыççăнхи мăкăле кирек мĕнле крем, вазелин е çу сĕрмелле. Çиеле прополисăн спирт настойкинче йĕпетнĕ бинт хумалла. Полиэтиленпа витмелле. Компреса пĕр каç тытнипех мăкăльрен хăтăлма пулать.

v Вĕри шывра йĕпетнĕ пир салфеткăна хуçалăх супăнĕ сĕрсе мăкăль çине хумалла. Çак меслетпе сываличченех сипленмелле.

v Хытнă вырăна е мăкăле пыл сĕрмелле, çиелтен хупах çулçипе витмелле.

v "Пошехонский" сыра çÿхен касмалла, çĕрлене хирĕç сиенленнĕ тĕле хурса лейкопластырьпе çирĕплетмелле. Ирхине илмелле те мăкăле "Риванол" эмелпе сăтăрмалла. Каçхине процедурăна çĕнĕрен тумалла. Çапла - сываличченех.

v Мăкăль çине кефир сĕрнĕ пир салфетка хумалла, лейкопластырьпе çирĕплетмелле.

v 1 стакан шыва 1 десерт кашăкĕ апат соди ярса ирĕлтермелле. Унра йĕпетнĕ салфеткăна, мамăка е бинта мăкăль çине çĕрлене хирĕç хумалла, ăшă япалапа витмелле, лейкопластырьпе çирĕплетмелле.