Комментари хушас

ТИПШĔМ Сашук, чăваш эстрада юрăçи:

- Çимĕкре яла халăх таçтан та килет, пурте пĕр-пĕринпе хутшăнаççĕ. Командировкăра пулнă çынсем те пысăк уявра яла çитеççĕ, çавăнпа коронавируспа чирлес хăрушлăх пысăк. Çитменнине, мăшăр та 1-2 уйăх каялла хăй сисмесĕрех чирлесе ирттерни палăрчĕ: ĕçĕнче антителăсем пуррипе çуккине тĕрĕсленĕ.

Коронавирусран прививка тутарма тахçанах шухăшланăччĕ, халĕ тинех çак утăма турăм. Çĕртме уйăхĕн 15-мĕшĕнче больницăна çитрĕм, тухтăр сывлăхăма тĕрĕслерĕ. Ним хăрамалли те çук – укол тунă чухне вăрăм туна çыртнă пек çеç туйăнчĕ. Хама аванах туятăп, ÿт температури хăпармарĕ. Тухтăр иккĕмĕш укола тумашкăн утӑ уйӑхӗн 6-мĕшĕнче килме хушрĕ. Вакцинациленнĕ хыççăн хама шанчăклăрах туйăп.

www.hypar.ru