Комментари хушас

26 Чÿк, 2020

Оперăпа балет театрĕн ĕçĕсене кăтартаççĕ

Çак кунсенче Чăваш патшалăх оперăпа балет театрĕнче М.Д.Михайлов ячĕллĕ пĕтĕм тĕнчери опера фестивалĕ пырать. Унăн программине кĕнĕ икĕ спектакле «Культура.рф» порталта тÿрĕ эфирта курма май килчĕ.

Театрта пĕлтернĕ тăрăх, онлайн-трансляци валли çĕршыври уйрăмах пĕлтерĕшлĕ 40 пулăма суйласа илнĕ. Çĕнтерÿçĕсен шутне Чăваш патшалăх оперăпа балет театрĕн 2 мероприятийĕ лекнĕ. Чÿк уйăхĕн 20-мĕшĕнче Винченцо Беллинин «Капулетти и Монтекки» оперине кăтартрĕç, чÿк уйăхĕн 25-мĕшĕнче – Джузеппе Вердин «Бал-маскарадне».

Сăмах май каласан, Чăваш патшалăх пукане театрĕ çак кунсенче Владимир тата Рыбинск хулинчи куракансене хăйĕн пултарулăхĕпе савăнтарать. Унта артистсем виçĕ спектакльпе гастроле тухса кайнă.

www.hypar.ru

Вера ЭВЕРККИ хатĕрленĕ.

Сăн ÿкерчĕкре: Пукане театрĕн ушкăнĕ

Чăваш патшалăх пукане театрĕн архивĕнчи сăн ÿкерчĕк

Рубрика: