Комментари хушас

Вăрă хыççăн пÿрт юлать, анчах пушар веçех тĕп тăвать, кĕл кăна хăварать. Шупашкар районĕнчи Янту ялĕнчи Любимовсен çемйине пысăк хуйхă килсе тухнă: вĕсем кил-çуртсăр тăрса юлнă. Инкек раштавăн 23-мĕшĕнче пулса иртнĕ.

Пурăнмалли çурт-йĕрпе пĕрлех хуралтăсем те кĕле çаврăннă. Пиллĕкĕн пурăннă пÿртре сĕтел-пукан та, тумтир те юлман. Инкек тÿснисене кÿршисем пулăшнă, урамра тăрса юлнăскерсене килне кĕртнĕ. Любимовсен выльăх-чĕрлĕхрен ĕнене çеç илсе тухма май пулнă.

Тăванĕсем, ял-йыш çав каçах инкеке лекнĕ çемье валли чылай тумтир кÿрсе панă. Пулăшас текенсен çак номерпе шăнкăравлама май пур: 79033794437.

www.hypar.ru

Елена ЛУКИНА. Мария ДЕНИСОВА архивĕнчи сăн ÿкерчĕк.