Комментари хушас

6 Çĕртме, 2014

Çимĕк - Троица

Çĕртме уйăхĕн 8-мĕшĕ - Çимĕк е Çветтуй Троица. Ĕлĕк чăвашсем Çимĕк паллă тунă. Вăл Çурхи ĕçсем вĕçленсен çу кунĕсене кĕтсе илнĕ уяв пулнă. Çав куна кĕçнерни кун паллă тунă. Ир-ирех мунча хутнă, çĕнĕ милĕк хатĕрленĕ. Çитмĕл çичĕ курăка пăшăхланă шывпа çăвăннă. Çурхи курăксен техĕмĕ тĕрлĕ чир-чĕртен сипленине ĕненнĕ. Çĕнĕ çи-пуç тăхăннă, тĕрлĕ çиме хатĕрленĕ. Вилнĕ тăванĕсен чунĕ çав кун чĕррисене илтет тесе шухăшланă. Çавăнпа çăва-масар çине кайса тăванĕсен вил тăприсене чечексемпе илемлетнĕ, куркана тăрă шыв, сим пыл ярса вилнĕ тăванĕсен чунĕсене сăйланă, тĕрлĕ апат-çимĕçе вил тăприсем çине хывнă. Чĕрĕ çынпа калаçнă пек вилнисен «чунĕпе калаçнă».

Чăвашсем Христос тĕнне йышăннă май Çимĕк Троицăпа пĕрлешсе кайнă. Халĕ турра ĕненекенсем чечек-курăк çыххисене Троицăра чиркÿре сăваплаççĕ. Кĕлĕ вулаççĕ. Масар çине вилнĕ тăванĕсемпе «калаçма» каяççĕ.

Мĕн-ха вăл Троица? Вăл туррăн виçĕ сăпачĕн - Ашшĕн, Ывăлĕн тата Çветтуй Сывлăшăн - пĕрлĕхне пĕлтерет. Христос 30 çул тултарсан еврей халăхне евангелие вĕрентме тытăнать. Хăй Турă Ывăлĕ пулнă май ытти халăха та çĕнĕ халал, пил парать. 3 çул вĕренекенĕсемпе çÿренĕ хыççăн ăна асаплантарса вĕлереççĕ. Вăл çакăн хыççăн 3 кунран Мăн кунра чĕрĕлет те çĕр çинче 40 кун хушши вĕренекенĕсене, ахаль çынсене те курăнать, вĕрентет. Вĕренекенĕсене пил панă май вĕсем еннелле вĕретS «Çветтуй Сывлăша йышăнăр, вăл сире вăй-хал кĕртĕ, чун-чĕрене усалтан упрама пулăшĕ», - тет. Хăй мĕн каланине пĕтĕм халăха вĕрентме пил парать. Вĕренекенĕсен умĕнчех тÿпене çĕкленет. Тепĕр 10 кунран Христос апостолĕсем Çветтуй Сывлăшпа тулаççĕ. Вăл шăпах ĕнтĕ Мăн кунран 50 кунран пулнă.

 

Image CAPTCHA
Введите символы, которые показаны на картинке.