Комментари хушас

Паян «Хыпар» Издательство çуртĕнче «Хыпар» хаçат парнисене çĕнсе илессишĕн çулсерен йĕркелекен Пĕтĕм Раççейри турнира хатĕрленес ыйтупа йĕркелÿ ушкăнĕн пĕрремĕш ларăвĕ иртрĕ.

Ларăва «Хыпар» Издательство çурчĕн директорĕ-тĕп редакторĕ Татьяна Вашуркина, Чăваш Енри кире пуканĕ спорчĕн федерацийĕн председателĕ Юрий Карпов, РФ тава тивĕçлĕ теренерĕ Сергей Кириллов тата ыттисем хутшăнчĕç. Унта турнира ирттерес ыйтупа çыхăннă хăш-пĕр самантсене сÿтсе яврĕç.

Аса илтеретпĕр, кăçал та пĕлтĕрхи пекех Пĕтĕм Раççейри турнира РФ Спорт министерствин календарлă планне кĕртнĕ: ăмăртура лайăх результат кăтартакан спортсменсене «Раççей спорт мастерĕ» ята парĕç.

Юбилейлă 35-мĕш ăмăртăвăн тĕп судйи пулма РФ пĕрлештернĕ командăн тĕп тренерне Сергей Кириллова /Санкт-Петербург/çирĕплетрĕç, тĕп секретарь тивĕçĕсене пурнăçлама Юрий Бронюкова /Хĕрлĕ Чутай/ шанчĕç. Турнира, малтанлăха палăртнă тăрăх, чÿк уйăхĕн пуçламăшĕнче Шупашкарта ирттерме йышăнчĕç.