Комментари хушас

Шупашкарти тата Çĕнĕ Шупашкарти троллейбус управленийĕсенчи кăткăс финанс лару-тăрăвĕ пирки эпир «Хыпар» хаçатăн маларахри кăларăмĕсенче пĕлтернĕччĕ ĕнтĕ. Хальхи вăхăтра предприятисем мĕнле пурăнаççĕ-ха?

Чăваш Республикин Транспорт тата çул-йĕр хуçалăхĕн министерствинчен пĕлтернĕ тăрăх — предприятисенче ырă туртăм палăрать: йывăрлăхсене пăхмасăр усă курнă электроэнергишĕн пухăннă парăмсене пĕчĕккĕн те пулин чакарса пыраççĕ. Хальхи вăхăт тĕлне Шупашкарти управленин те, Çĕнĕ Шупашкартин те шалу парăмĕсем çук. Çынсене ĕç укçине вăхăтра парассине вĕсем малти вырăна хураççĕ.

Çитес вăхăтра çул укçин хакĕ ÿссен предприятисем парăмсенчен хăтăлас шанăç пуррине палăртаççĕ ведомство представителĕсем.