Комментари хушас

Тĕрĕссипе, Шупашкарти техникумсен командисен хушшинче иртнĕ футболистсен турнирĕнче хĕрсем мала тухаймарĕç, çапах вĕсен хастарлăхĕ пурне те тĕлĕнтерчĕ.

Ăмăрту хулари «Текстильмаш» спорт залĕнче иртрĕ. Унта транспортпа строительство технологийĕсен, механика-технологи, коопераци техникумĕсен тата хĕрсен «Волжанка» командисем тупăшрĕç. Турнир пĕтĕмлетĕвĕпе «ылтăна» механика-технологи техникумĕн студенчĕсем /тренерĕ - Александр Минеев/ çĕнсе илчĕç. Вĕсен капитанĕ Евгений Софронов «Чи лайăх футболист» ята тивĕçрĕ. Çавăн пекех ятарлă парнесемпе Вячеслав Ухваркина /тапăнса вылякан/, Евгений Ильина /хÿтĕлевçĕ/, Марина Репинăна /хапхаçă/ чысларĕç.

Хĕрсен «Волжанка» команди коопераци техникумĕн каччисемпе вылянă чух уйрăмах палăрчĕ. Ку вăйăра пикесем пулас кооператорсене 4:3 шутпа çĕнтерчĕç. 11-мĕш класра вĕренекен Марина Макшеева тата ЧПУн историпе географи факультечĕн студентки Кристина Романова хастар пулчĕç: пĕри - 3, тепри пĕр гол тапса кĕртрĕç.

Шупашкар районĕ