Комментари хушас

Республикăри Л.Н.Толстой ячĕллĕ ятарлă библиотека куç япăх кураканнисемпе тата пачах курманнисемпе ĕçлет. Ыттисенчен уйрăларах тăракан вулавçăсен кĕнеке фончĕ 184 пин управ единиципе танлашать. Çакскерсенчен 36 пинĕшĕ - ятарлă шрифтпа çырнăскерсем, 103 пинĕшĕ 56 проценчĕ? - «калаçаканнисем», электрон хатĕрсем çинчисем - 12 пин экземпляр. Фонд çулленех çĕнĕ кăларăмсемпе пилĕк процент чухлĕ пуянланать.

Литература çулталăкĕнче библиотека хăйне евĕрлĕ вулакансен ыйтăвĕсене мĕнле тивĕçтерет-ха? Ун çинчен вулавăшăн директорĕпе Лилия Васильевăпа калаçрăмăр. Лилия Николаевна палăртнă тăрăх - çĕнĕ кĕнекесем туянма федераци бюджетĕнчен çулленех 400-500 пин тенкĕ укçа уйăраççĕ. Библиотека «Репро» /Мускав/, «Чтение» /Санкт-Петербург/, «Логосвос» /Мускав/ ятарлă издательствăсемпе ĕçлет.

- Фонд çавăн пекех библиотека хăйĕн вăйĕпе хатĕрлекен кăларăмсемпе те çĕнелет, - каласа парать Лилия Николаевна. - Тавра пĕлÿ литератури пысăк пĕлтерĕшлине шута илсе ытларах чăвашла кĕнекесене «калаçтарма» тăрăшатпăр. Çак ĕç издательство кун-çулĕнчи чи пĕлтерĕшлĕ пулăм шутланать. Библиотекăра «Куç курманнисем валли - тавра пĕлÿ коллекцийĕ» ятарлă проект ăнăçлă пурнăçа кĕрсе пырать. Унпа килĕшÿллĕн Литература çулталăкĕнче чăваш писателĕсен çак хайлавĕсене аудиокĕнеке халлĕн кăларнă: «Леш тĕнчерен» /А.Хмыт/, «Нарспи» /К.Иванов/ чăвашла тата вырăсла, «Симĕс ылтăн» /А.Артемьев/, «Вĕрене шывĕ те пылак» /А.Павловская/, «Хĕреслĕ çиçĕм» /М.Мерчен/, «Юрăпи» /Д.Суслин/ чăвашла тата вырăсла, «Ыр-хаяр» /Л.Таллеров/, «Вăхăта парăнман юрату» /Г.Максимов/, «Кĕтмен венчет» /В.Тарават/. Тăван çĕршывăн Аслă вăрçинче çĕнтернĕренпе 70 çул çитнĕ май В.Садайăн «Летчиксем» кĕнекине те вулакансем патне çитернĕ. Брайлĕн ятарлă шрифчĕпе кăçал çавăн пекех «Знаменитые люди земли чувашской» тата «Чувашские праздники и обряды» кĕнекесем кăларнă. Малалла вулас...