Комментари хушас

Россельхознадзор уйрăмах хăрушă чирсен рейтингне хатĕрленĕ

Пĕрремĕш вырăнта - Çĕпĕр язви. Авалхи çыравçăсем тата тĕпчевçĕсем ку амака "çветтуй çулăм" тенĕ. Нумай ĕмĕр çынсем çак чирпе кĕрешнĕ, хăранă унран, ăна Турă "ĕçĕ" тесе шутланă. Каярах чир Турăран "килменнине", çĕр çинчех тухнине тата ерекен вирус пулнине ăнланса илнĕ. Çĕпĕр язви ялхуçалăх чĕрчунĕсенче пурăнать, анчах çын та унăн "хуçи" пулса тăма пултарать.

Чир çинчен 1766 çулта Франци тухтăрĕ Моран туллин çырса кăтартнă. Паянхи ятпа кăшт каярах, 1788 çулта, Раççейре, Çĕпĕр кĕпĕрнинче тухнă эпидемисем çинчен çырса кăтартнă чухне, усă курма тытăннă.

Ку амак чирлĕ выльăх урлă кăна мар, пытарман вилесене пула та сарăлать. Вирус шыва лекни уйрăмах хăрушă. Çакăнпа яппунсем Пĕрремĕш тĕнче вăрçи вăхăтĕнче Амура чир ярса усă курасшăн пулнă. Малалла вулас...