Чăвашла вулар-и?

Ака уйăхĕн 25-мĕшĕнче Чăваш чĕлхи кунне паллă тăватпăр. Çак уява халалласа «Хыпар» Издательство çурчĕ «Чăвашла вулатăп» акци пуçарчĕ.

Унта хутшăнакансен пирĕн хаçат-журналти пĕр-пĕр сыпăка вуланине видео ÿкермелле. Роликсене социаллă сетьсене #ЧăвашлаВулатăп тата #Хыпар хэштегсемпе вырнаçтармалла. Вулани ăс-тăна аталантарнине манар мар.

Сăмах май, Наци библиотеки те «Чăваш чĕлхи илемĕ – сăвăра» акци ирттерет. Ун условийĕпе килĕшÿллĕн электронлă библиотекăри хайлавсене вуламалла. Вĕрентÿ институчĕ «Эпĕ чăвашла калаçатăп» акци пуçарнă. Чăваш чĕлхи çинчен çырнă сăвва вуланине видео ÿкермелле те интернетри социаллă сетьсене лартмалла.

www.hypar.ru

Андрей МИХАЙЛОВ хатĕрленĕ.