Валентина НИКОЛАЕВА

Шупашкарти 9-мĕш ача садне çÿрекен вăтам ушкăнти ачасем кайăксене юратаççĕ. Хĕл çитес умĕн вĕсем çунатлă туссем валли экосырăшсем ăсталарĕç. Картонран касса кăларнă «чĕресене» çăнăхран пĕçернĕ çилĕм сĕрчĕç, кайран вĕсене кĕрпепе илемлетрĕç.

Кашни ача хăйне май хитре сырăш ăсталарĕ. Халь ĕнтĕ кайăксем сивĕ хĕл кунĕсенчен хăрамĕç, мĕншĕн тесен вĕсене 9-мĕш ача садĕнчи экосырăшсенче тутлă апат-çимĕç кĕтет.