Çак кунсенче Çĕнĕ Шупашкарти шкулсенче вĕренекенсем физкультурăпа спорт, паллă спортсменсем, республикăри палăксем, чăваш халăх йăли-йĕркипе культури çинчен сочиненисем çыраççĕ.
Хулари библиотекăсенче вара юпа уйăхĕн 3-8-мĕшĕсенче Спорт-марафон иртет. Ăна вĕсем Шупашкарта иртекен «Раççей - спорт çĕр-шывĕ» Пĕтĕм тĕнчери форума халалланă.
Елчĕк районĕнчи Лаш Таяпари кун ирхи сăвăмран пуçланать. Чылайăшĕ килти хуçалăхра ĕне тытать. Хăшĕ-пĕрин картишĕнче мăйракаллă шултра выльăх хисепĕ 2-3-рен те иртет. Çав вăхăтрах 5-10 ĕне тытакан та пур. Ялĕпе вара 514 пуç. «Ĕне - пирĕн тĕрек, пире тăрантаракан», - теççĕ ял çыннисем.
Çĕрпÿри тĕп библиотекăра «Вулавăш тата кĕнеке кадрта» сăн ÿкерчĕксен куравĕ уçăлнă. Ăна «Тăван тăрăх - Раççейĕн пĕр пайĕ» район конкурсĕпе килĕшÿллĕн йĕркеленĕ, Культура çулталăкне халалланă.
Пултарулăх ăмăртăвне районти библиотекăсен ĕçченĕсем хутшăнаççĕ. Экспозицире - Тавăшкасси, Çырмапуç, Конар, Виçикасси библиотекарĕсен ĕçĕсем. Сăн ÿкерчĕксенче - кĕнеке вулама уйрăмах кăмăллакансен, «чун çимĕçĕпе» çыхăннă интереслĕ мероприяти саманчĕсем. Кĕнеке тусĕсен йышăнче ватти те, вĕтти те пур. Хăйне евĕр конкурс çĕнтерÿçине те вулакансемех палăртĕç.
Чăвашла верси
Русская версия
