Николай ШУМЕР

Авалтан пыракан йăла-йĕркепе чăвашсем кĕрхи ĕçсене вĕçлесен Кĕр сăри паллă тунă. Уявра çĕнĕ сăра вĕретнĕ, çĕнĕ тырăран çăкăр пĕçернĕ, автанпа чăх е така пуснă. Чÿк уйăхĕн 5-мĕшĕнче Вăрман Çĕктер ял тăрăхĕнче Кĕр сăрине анлăн паллă турĕç.

Чи малтанах Шупашкаркассинче Халăх пĕрлĕхĕн кунне, туслăхпа килĕшÿ уявне ирттерчĕç. Ăна çак тăрăхра пурăннă, чăваш халăхĕн паттăрне Пăрттас çарпуçне халалларĕç.