Мария РОМАНОВА.

28 Утă, 2021

Вирусăн çĕнĕ штамĕсенчен сыхланасчĕ

Галина Иванова, Мӑн Шетмӗ ял тӑрӑхӗн ертӳҫи:

- Коронавируспа йывӑр чирлесрен прививка тутармалла тенипе килӗшетӗп. Ҫавӑнпа та ҫак ӗҫе хам та пурнӑҫларӑм. Мӗншӗн тесен, тухтӑрсем ҫирӗплетнӗ тӑрӑх, вакцинаци чире ҫӑмӑллӑнрах чӑтса ирттерме пулӑшать, вирусӑн ҫӗнӗ штамӗнчен те сыхлать.
Прививкӑна лайӑхах тӳссе ирттертӗм. Пурне те сывлӑхлӑ пулма сунатӑп.

www.hypar.ru

3 Утă, 2021

Прививка тутарсан аванрах

Диана Данилова, И.Н.Ульянов ячӗллӗ Чӑваш патшалӑх университечӗн студентки:

- Тӗнчере хӑрушӑ чир алхасать. Юрать-ха, унран хӳтӗленме Раҫҫейре вакцина шухӑшласа кӑларчӗҫ. Эпӗ коронавирус инфекцийӗнчен прививка тутартӑм. Вакцинацие лайӑхах тӳссе ирттертӗм, халӗ те хама аван туятӑп. Ентешсене пурне те коронавирусран прививка тутарма сӗнетӗп.

www.hypar.ru
 

11 Авăн, 2017

Автобуссене çĕнетĕç

Раççей Правительствин кăçалхи авăн уйăхĕн 6-мĕшĕнчи хушăвĕпе килĕшÿллĕн Чăваш Республикине 27 шкул автобусĕ /12 Ford, 5 ПАЗ, 9 Газ, 1 ВОЛГАБАС/ илсе килĕç. Вĕсенче ГЛОНАС спутник навигацийĕпе тахограф вырнаçтарнă. Çавна май 2007 çулхи кивĕ транспорта улăштарĕç, çĕнĕ маршрутсем уçĕç.

Хальхи вăхăтра республикăри шкул автобусĕсен паркĕнче 338 транспорт шутланать. Вĕсем 651 маршрутпа çула тухаççĕ, 1135 ялти 12 пин ытла ачана турттараççĕ.