Чăваш Ен Пуçлăхĕн тивĕçĕсене вăхăтлăх пурнăçлакан Михаил Игнатьев июлĕн 8-мĕшĕнче ЧР Министрсен Кабинечĕн черетлĕ ларăвне уçнă май чи малтан пурне те Çемье, юратупа шанчăклăх кунĕ ячĕпе саламларĕ.
Ачасемпе çамрăксене спортпа туслаштарасси, демографи лару-тăрăвне лайăхлатасси, çитĕнекен ăрăвăн кăмăл-сипечĕпе ăс-тăн аталанăвне ÿнер ырă витĕм кÿни - шăпах çак тата ытти ыйтăва сÿтсе яврĕç 2012-2017 çулсенче Ачасен интересĕсемпе пулса пыракан Наци стратегине пурнăçа кĕртессипе Чăваш Республикин Пуçлăхĕ çумĕнче ĕçлекен координаци канашĕн ларăвĕнче.
Июнĕн 29-мĕшĕнче Чăваш Республикин Общество палатин çĕнĕ йышĕн пĕрремĕш анлă ларăвĕ иртрĕ. Унта Чăваш Ен Пуçлăхĕн тивĕçĕсене вăхăтлăх пурнăçлакан Михаил Игнатьев, ЧР Патшалăх Канашĕн Председателĕ Юрий Попов, Палатăн хальхи тата малтанхи йышĕсен членĕсем хутшăнчĕç.
Июнĕн 25-мĕшĕнче Иван Моторин премьер-министр ертсе пынипе ЧР Министрсен Кабинечĕн ларăвĕ иртрĕ. Унта пĕтĕмпе 19 ыйтăва пăхса тухрĕç, çапах лару ытла вăраха каймарĕ, çакă тишкерме тăратнă саккун проекчĕсем хивре калаçу е тавлашу çуратманнипе çыхăнчĕ-тĕр.
Июнĕн 18-мĕшĕнче Етĕрне районĕнчи Культура çуртĕнче "Единая Россия" партин Чăваш регион уйрăмĕнчен Чăваш Республикин Пуçлăхĕн должноçне йышăнас текен кандидатсен пĕрремĕш тĕлпулăвĕ иртрĕ.