Ирина ИВАНОВА. Автор сăн ÿкерчĕкĕ.

55 çул пĕр сукмакпа утакан çак мăшăра пурнăç чăтăмлăх тĕлĕшпе пĕрре мар тĕрĕсленĕ. Иккĕшне те «атте» тесе чĕнме пÿрмен. Кил хуçи каччă чухнех хăрах урасăр тăрса юлнă. Çапах та чипер арăм тупса çемье çавăрнă, пурнăçа ăнтарас тесе тăрăшнă. Уяр кун аçа çапнă пек каллех инкек алăкран шакканă: çемьери виççĕмĕш пепке — 13 çулти Светлана — шыва путнă, ăна çăлса хăварма май килмен.