Академикпе тĕл пулнă
12 Oct, 2016 | Сывлăх, Вĕрентÿ

Юпа уйăхĕн 10-мĕшĕнче Чăваш Ен Пуçлăхĕ Михаил Игнатьев Раççейĕн диплом илнĕ хыççăнхи вĕрентĕвĕн медицина академийĕн ректорĕпе, РАМН академикĕпе Лариса Мошетова профессорпа курнăçнă.

Тĕлпулура сывлăх сыхлавĕн тата хушма медицина вĕрентĕвĕн тытăмĕсем тачă çыхăнса ĕçлессипе çыхăннă ыйтусене сÿтсе явнă. Лариса Мошетова хăй ертсе пыракан академи ĕç-хĕлĕпе паллаштарнă, чÿк уйăхĕн 1-мĕшĕнчен федераци учрежденийĕн статусне илессине пĕлтернĕ. Чăваш Ен Пуçлăхĕ республикăри медицина ĕçченĕсемшĕн те çакă пысăк майсем уçассине палăртнă.

Н.АНДРЕЕВ.

Н.АНДРЕЕВ