Архив - 14 Июл, 2016 - Çамрăксен хаçачĕ

Элĕк районĕнчи Питĕшкассинче пурăнакан Вячеслав Филимонов çĕр ĕçне юратнипех ялта тĕпленме шухăшланă. Шкултан вĕренсе тухсан вăл хĕсмете кайнă. Çĕршыв умĕнчи тивĕçе пурнăçланă хыççăн тĕрлĕ çĕрте хăйне тĕрĕсленĕ. Çавах шăпа ăна тăван тăрăхах илсе çитернĕ.

«Çыннăн кун-çулне — хăçан çутă тĕнчене килмеллине, хăш вăхăтра пурнăçран уйрăлмаллине — Турă малтанах палăртать», — теççĕ тĕне ĕненекенсем. Ĕненÿ тăрăх — хăйсем çине алă хуракансем каçарайми çылăх тăваççĕ, çавăнпах çăтмаха нихăçан та лекеймеççĕ.

Иртнĕ кĕçнерникун Чăваш патшалăх ял хуçалăх академийĕнче аслă шкул 85 çул тултарнине тата Ĕç çыннин çулталăкне халалласа пысăк уяв иртрĕ. Унта савăнăçлă лару-тăрура 730 студент диплом илчĕ.

Нумаях пулмасть Самар об­ла­çĕнчи Мастрюково кÿллисен хĕрринче «iВолга-2016» форум иртрĕ. Унта Раççейĕн тĕрлĕ кĕ­тесĕнче пурăнакан çамрăксем пу­хăннă. Форума пирĕн республикăри 90 çын кайнă. Вĕсенчен 17-шĕ хăйсен проекчĕсене хÿтĕленĕ. Палăртма кăмăллă: икĕ çамрăк грант илмешкĕн тивĕçнĕ.

Утă уйăхĕн 1-мĕшĕнче Пĕтĕм Раççей ял хуçалăх çыравĕ пуçланчĕ. Пирĕн Республикăн кашни кĕтесĕнче çыруçăсем çÿреççĕ. Вĕсен ĕçĕпе иртнĕ эрнере Муркаш районĕнче пулнă май тĕплĕнрех паллашма май килчĕ. Ку тăрăхра инструкторсен ултă участокне йĕркеленĕ. Патаккассинче вырнаçнине икĕ çынна çирĕплетнĕ.

Чăваш Республи­­кин культурăн тава тивĕçлĕ ĕçченне, паллă юрăçа Александр ВАСИЛЬЕВА Чăвашра пĕлмен çын çуках. Вăл халăх патне хăйĕн черчен те çепĕç юррисемпе çул тупайрĕ. Çавăн пекех «Янра, хуткупăс, савăнăçлă тусăм» кăларăма ертсе пырса тăван халăхăмăр культурине çĕклерĕ.

«Хам пĕччен çитĕнтĕм, çавăнпах пирĕн çуртра 10 ача чупĕ», — çапла каланă Александр Устинов мăшăрĕн Алинăн пÿрнине ылтăн çĕрĕ тăхăнтартсан. Вĕсем пĕрлешнĕренпе кăçал 18 çул çитет. Çемье пуçĕн ĕмĕчĕ пурнăçланнă темелле — Устиновсен 5 ача çитĕнет.

Çулла килте алă усса лараймăн. Пахчана çум курăкран тасатмалла, выльăх апачĕ хатĕрлемелле... Элĕк районĕнчи Писĕпре пурăнакан Алексеевсем те картиш тулли выльăх-чĕрлĕх усраççĕ. Эпир пынă чухне те хуçисем килте çукчĕ. Упăшки — ĕçре, арăмĕ пасара чăх-чĕп туянма кайнă.

Мария Иванова Çĕрпÿ районĕнчи Энĕшкасси Кушкă ялĕнче 1911 çулта çуралнă. Пĕр ĕмĕр ытла хыçа хăварнă ватă çыннăн ачалăхĕпе çамрăклăхĕ çăмăл килмен. Мария Ивановна 15 çулта амăшĕсĕр юлнă. Мĕн пур йывăрлăх ачисем çине тиеннĕ. Тĕпренчĕкĕсене тăрантарас тĕллевпе ашшĕ сутуçăра тăрăшма тытăннă.