Архив - 2015 - Çамрăксен хаçачĕ

Май уйăхĕн 19-мĕшĕ... Çак кун çулленех хĕвел ăшшăн пăхаканччĕ. Кăçал вара вăл ăмăр çанталăкпа пуçланчĕ, çапах Купăрляра Николай Никольский ăсчаха халалланă митинг уçăлсан, Муркаш енсем хăйсен илемлĕ юррисене шăрантарма пикенсен йывăррăн шăвакан пĕлĕтсем хыçĕнчен хĕвел курăнчĕ. Çапла вара пухăннă халăх, Шупашкартан пынă хăнасем Чăвашран тухнă пĕрремĕш профессор тунă ĕçсен умĕнче пуç тайса, ăна сума суса ирттерекен савăнăçлă мероприятие хутшăнчĕç.

Эпĕ, Аня Хадарова, Коми тăрăхĕнче çуралса ÿснĕ. Енчен те Чăваш çĕрне çĕр пин сăмах, çĕр пин тĕрĕ, çĕр пин юрă çĕршывĕ тетпĕр пулсан, Коми Республикине çĕр пин кÿлĕ çĕршывĕ теççĕ. Ухта районĕнчи Ярега поселокĕнчен аттепе анне çуралса пĕве кĕнĕ тăрăха таврăнтăм, Шупашкарта ăс пухатăп.

Шупашкарти П.Хусанкай ячĕллĕ культура керменĕнчи халăх театрĕ кăçал «А зори здесь тихие» хайлава сцена çинче лартрĕ. Владимир Синяев çамрăк режиссер мана взвод командирĕн пулăшаканĕн, Кирьянова аслă сержантăн, рольне шанса пачĕ.

Аслă Çĕнтерÿ 70 çул тултарнине халалланă мероприятисенчен кăмăл-туйăм сĕвĕрĕлсе пĕтменччĕ-ха. Яланхинчен вăйлăрах иртнĕ парад мăнаçлăх çуратнăччĕ, куççуль кăларакан тĕлпулусем те асрах. Çак кунсенче, майăн 14-мĕшĕнче, чуна хумхатакан тепĕр самант тупăнчĕ.

"Поле чудес" кăларăмра каллех чăвашсем юрласа ташланă. 3 стр.

Ачасен çамки çине "иккĕ" паллă лартнă учителе явап тыттарнă. 4 стр.

Макăракан пĕчĕк ывăлне амăшĕ эрех ĕçтерсе çывăратнă. 4 стр.

Алина Федоровăпа Денис Пугач юрăçсене мĕн çыхăнтарать? 6 стр.

Васса Иванова: "Хĕр пулса çитрĕм, пуçа çыхма тутăр та çук". 11 стр.

"Ман хуняма та Алла Пугачевăран юлас темерĕ - çамрăккине тупрĕ". 12 стр.

Наркотĕрĕслев федераци службин Чăваш Енри управленийĕн ĕçченĕсене «шанăç телефонĕ» преступниксен йĕрĕ çине ÿкме пулăшнă. Шупашкарта пурăнакан пĕр çын сисчĕвленсе шăнкăравланă.

Эпир, журналистсем, кирлĕ-кирлĕ мар çĕре "сăмса чикме" шутсăр юрататпăр. Хальхинче Красноармейски районĕнчи Çырмапуç клубĕ пирĕн куç тĕлне пулчĕ. Ял хĕрринче вырнаçнăскере асăрхамасăр майĕ те çук. Ларать çапла çурт - алăкĕ çук та кĕмесĕр епле чăтас?

"Поле чудес" телекăларăм ертÿçи Чăваш Ене тăтăшах килме тытăннăран халăхра "Леонид Якубович чăвашсене килĕштерет" теме тытăнчĕç. Телевизор пăхма юратакансем те кăларăма чăвашсем час-часах хутшăннине сисрĕç пулĕ. Нумаях пулмасть чăваш эстрада артисчĕ, Сĕнтĕрвăрри районĕн ентешлĕхĕн ертÿçи Андрей Кузнецов "Поле чудесра" ÿкерĕннине пĕлсен июнĕн 26-мĕшне /кăларăм эфира çав кун тухĕ/ кĕтме чăтăмлăх çитмерĕ - унпа маларах çыхăнтăмăр.

Ыран мĕн пулассине пĕлме çук. Хура тачка пĕлĕт те сарă хĕвеле тăрук хуплама пултарать. Вăрнар районĕнчи Тăвальушкăнь Ялтăра ялĕнче пурăнакан Ивановсен çемйине те инкек кĕтмен çĕртен килнĕ.

"Ача-пăча пÿрт тултарать", - тенĕ ваттисем. Чăн та, çемье ăшши çутă тĕнчене килнĕ тĕпренчĕксенчен те чылай килет. Вĕсем - ашшĕ-амăшĕн савăнăçĕ, куç тулли телейĕ. Кунпа Вăрнар районĕнчи Юпшик ялĕнче пурăнакан Земфира Африканова та килĕшмесĕр тăраймарĕ. Мăшăрĕпе 4 ачи 35-ри хĕрарăмшăн - пĕтĕм пурнăç.