Архив - 2 Фев, 2017 - Хыпар

Çамрăксене ял хуçалăх отраслĕпе ытларах кăсăклантарма районсенче аграри класĕсем уçмалли пирки Чăваш Ен Пуçлăхĕ Михаил Игнатьев Патшалăх Канашне янă Çырура та каларĕ. Паянхи куна çакнашкал классем республикăра Шупашкар, Çĕрпӳ, Красноармейски, Патăрьел районĕсенче йĕркеленнĕ. Акă нумаях пулмасть Шупашкар районĕнчи Кăшавăш тата Янăш шкулĕнчи профильлĕ классенче вĕренекенсем Чăваш патшалăх ял хуçалăх академине экскурсие килнĕ. Вĕсене унта ятарлă тумтирпе тивĕçтернĕ. Малашне çамрăксене çири симĕс жилетсене пула тӳрех палласа илĕн.

Д.А.Фурманов писатель, граждан вăрçин комиссарĕ "Чапаев" романа çырман тата пĕртăван Васильевсем çавăн ятлă фильм ӳкермен пулсан пирĕн ентешĕн иксĕлми паттăрлăхĕ çинчен нумайăшĕ пĕл-местчĕ пулĕ. Николай Стуриков писатель çирĕплетнĕ тăрăх — асăннă фильма Шупашкарта кăтартсан шурсухалсем Борис Бабочкин артист сăнарĕнче тӳрех "Васятка Чапаева" палласа илнĕ. Каярахпа хăш-пĕр чăваш çыравçисем чаплă ентеше кĕнекесенче хăйсем пĕлнĕ пек сăнарлама пуçларĕç.

Ял пурнăçне кăмăллакан Типшĕм Андрей

Кирек хăçан та пулăшма хатĕр

«Герб, ялав, гимн - пирĕн пуянлăх»

Вулакансем корреспондентсемпе тĕл пулчĕç

Янăратăр ача-пăча сасси шкулта та килте!

Анне, аннеçĕм, сана малашне те юратăп...

Шупашкарта пурăнакан Андрей çулталăкăн кашни вăхăчĕпе кăмăллă. Хĕлле сивĕрен хăраманскер тăвайккинчен ярăнать. Кĕркунне вăрманта сарă, хĕрлĕ, симĕс çулçăсем пуçтарма ухута.

Çĕрпӳ районĕнчи Апакасси шкулĕнче 5-7-мĕш классенче вĕренекенсем çамрăк пушарнăйсем пулса тăчĕç. Çак мероприяти Раççей МЧСĕн тытăмĕнчи Гражданла хӳтĕлев çулталăкĕпе килĕшӳллĕн иртрĕ.

Чăваш Республикин патшалăх символĕсене йышăннăранпа 25 çул çитнĕ май кăрлач уйăхĕн 25-мĕшĕнчен пуçласа ака уйăхĕн 20-мĕшĕччен республикăри ачасемпе çамрăксен библиотеки «Герб, ялав, гимн — пирĕн пуянлăх» республика пултарулăх конкурсĕ ирттерет.

Нумаях пулмасть республикăри ачасемпе çамрăксен библиотекин таврапĕлӳпе наци литературин уйрăмĕнче «Самант» журнал корреспонденчĕпе Нина Царыгинăпа тата «Тантăш» хаçат корреспонденчĕпе Лариса Петровăпа тĕлпулу иртрĕ. Унта Шупашкарти экономикăпа технологи колледжĕн студенчĕсем хутшăнчĕç.

Элĕк районĕнчи Элĕкри вăтам шкулта кĕçĕн классене вĕрентекен Оксана Борисовна Петрова хăйĕн профессийĕпе питĕ кăмăллă.

СССР халăх художникĕ Илья Сергеевич Глазунов Ленинград блокадине епле чăтса ирттернине каласа панинчен.

Сывлама та вăй кирлĕ

«Урамра 40 градус сивĕ. Ир те, каç та, кăнтăрла та пĕр тумпах. Кантăксене каçхине утиялсемпе карса хуратпăр. Ара, сивĕ ан кĕтĕр тетпĕр çав. Ирхине вара ăна сирме, ай, мĕн тери тăрмашмалла! Вăй çук та ăçта унта çÿлелле кармашма? Çавăнпа тепĕр чухне тĕттĕмрех кун-кунлатпăр.

Мулшăн пурăнмастпăр, çа­пах унсăрăн та май çук. Шалу тивĕçтерменнипе чылай чăваш Мускава çул хывать, профессие улăштарса урăх ĕçе кÿлĕнет. Çавнашкал çынсем хушшинче чăваш халăх тата эстрада юррисене шăрантаракан Валентина ПОПОВА та пур. «Çупкăм-çупкăм иçĕм çыр­­­­ли», «Тăвансем пĕрле пулсан» СD-дисксен авторĕпе, Мускаври чăваш наципе культурин обществин, тĕрлĕ наци пĕрлешĕвĕн хисеп хучĕсене тивĕçнĕскерпе, нумаях пулмасть тăван тăрăха килсен курнăçрăмăр.