Архив - Июл 2016 - Хыпар

Чăваш Ене бюджет кредичĕ 900 миллион тенкĕ /çăмăллатнă ставкăпа — 0,1 процент/ тата «Этническая Чувашия» проекта пурнăçа кĕртме 182 миллион тенкĕ уйăрса панă. Çакăн çинчен Чăваш Ен Пуçлăхĕ Михаил Игнатьев влаç органĕсен ертÿçисемпе кашни эрнере ирттерекен планеркăра пĕлтерчĕ.

Михаил Игнатьев палăртнă тăрăх — çак çитĕнĕве тума РФ Финанс министерствипе тухăçлă, килĕштерсе ĕçлени пулăшнă. Çавна май иртнĕ эрнере Чăваш Республикине бюджет кредичĕ пурĕ 900 миллион тенкĕ: 768,5 миллион тата 132 миллион /çăмăллатнă ставкăпа — 0,1 процент/ пама йышăннă.

ЧР Информаци политикин тата массăллă коммуникацисен министерствин коллегийĕн çĕртме уйăхĕн 30-мĕшĕнче иртнĕ черетлĕ ларăвĕнче сÿтсе явнă тĕп ыйту — республикăри пичет кăларăмĕсем Интернет уçлăхне алла илни.

Утă уйăхĕн 1-мĕшĕнче ЧР Министрсен Кабинечĕн Председателĕн заместителĕ, Чăваш Ен Пуçлăхĕн Администрацийĕн ертÿçи Юрий Васильев Патăрьел районĕнче пулнă, республикăри çамрăк армеецсен юхăмĕн “Зарница” тата “Орленок” XLVIII финал вăййисене хупнă çĕре хутшăннă.

Утă уйăхĕн 2-мĕшĕнче Чăваш Ен Пуçлăхĕ Михаил Игнатьев видеоконференци мелĕпе Правительство членĕсемпе, районсемпе хуласен администрацийĕсен пуçлăхĕсемпе канашлу ирттернĕ.

Утă уйăхĕн 1-мĕшĕ Чăваш Еншĕн нумай тĕллевлĕ «ЭКРА» наука-производство комплексĕн /НПК/ иккĕмĕш черетне уçнипе палăрса юлчĕ.

Халăх пултарулăхĕн Пĕтĕм Раççейри «Раççей çăлкуçĕсем» фестивалĕ — Республика кунĕпе çыхăннă тĕп мероприятисенчен пĕри. Çирĕм тăваттăмĕш хут иртрĕ вăл Чăваш Енре. Астăватăп-ха: çак «çăлкуç» йĕркелÿçисем виçĕ регионти халăх пултарулăхĕн хастарĕсем пулчĕç. Ун чухне фестиваль «Атăлçи çăлкуçĕсем» ятпа çÿретчĕ. Вăл наччасрах анлă Атăл пек мăнаçланса кайрĕ, хăйĕн техĕмлĕ «шывĕпе» чунăмăрсене канăç кÿчĕ. Раççейри тата Никама Пăхăнман Патшалăхсен Пĕрлĕхĕнчи халăх пултарулăх коллективĕсем çеç мар, чикĕ леш енчен те килме пуçларĕç шурă Шупашкарăмăра.

Сергей Васильев — Раççей культурăн тава тивĕçлĕ ĕçченĕ, журналистика тата ÿнер фотографийĕн ăсти. Сергей Григорьевичăн профессипе çыхăннă награда питĕ нумай: вăл — Пĕтĕм тĕнчери сăнÿкерчĕк "Оскарĕн" "Ылтăн куç" парнине пилĕк хутчен /1978, 1980, 1982, 1983, 1985/ тивĕçнĕскер. Унашкалли Раççейре урăх çук.

Пирĕн хушăра тĕрлĕ енлĕ аталаннă çын сахал мар. Пĕри ял хуçалăх предприятийĕнче ĕçленĕ хушăрах алла киçтĕк тытса илемлĕ ÿкерчĕксемпе илĕртÿллĕ картинăсем тума ăста. Тепри производствăран пушă вăхăтра ачасене самолет тăвас ăсталăха алла илме вĕрентет...

Пауэрлифтинг “йывăр япалана çĕклени” тени пулать. Вăл “вăй” тата “йăтать” сăмахсенчен пулнă. Халăхра ăна вăйлисен вăййи теççĕ. Иртнĕ ĕмĕрĕн 40-50-мĕш çулĕсенче хĕвеланăçри çĕршывсенче аталанма пуçланăскер паян йывăр атлетсем кăмăллакан спортăн юратнă тĕсĕ пулса тăчĕ.

Юратнă çынпа яланах — савăнăçлă самантра та, хурланнă чухне те — чуна уçса калаçас, унăн сассине итлесе киленес килет… Енчен вăл калаçаймасть, илтмест пулсан килĕшÿпе çураçу тенине епле тупмалла? Чуна епле лăплантармалла?