Архив - Июн 2016 - Хыпар

Комсомольски районĕнчи Киров ялĕнче пурăнакан Тамара Денисовна Григорьева ÿкерес ăсталăхпа професси пĕлĕвĕ илмен, анчах унăн картинисене художникăннипе танлаштаратăн. Паллах, эпĕ ку енĕпе профессионал мар, анчах тахçанах тивĕçлĕ канăва тухнă хĕрарăмăн ĕçĕсенче чун пурри сисĕнет.

Унăн килĕнче лавккара туяннă сĕтел-пукан çук, çавăнпа шифоньер, стенка, кухньăри гарнитур тата ытти те эрешпе илемлетнине кура куçа та, чуна та савăнтарать. Сахал мар вăхăт иртнĕрен сăнне çухатнине, кĕтесĕсем хăйпăннине кураймастăн.

Унта пĕрле вĕреннĕ хĕрсем пурте тенĕ пекех хулара тĕпленнĕ. Наталья хăй те Сĕнтĕрвăрринче çуралса ÿснĕ. Шкул пĕтерсен Шупашкарти медицина институтне çул тытнă. Кунта лайăх ĕлкĕрсе пынă, ĕç тупасси те йывăрлăх кÿмен. Анчах... Пулать вĕт пурнăçра суйламалли. Ял каччипе паллашнă хĕр. Ăна питĕ юратнă пулас.

Çĕнĕ Шупашкар хула больницин 2-мĕш поликлиникинче кăнтăрлахи стационарта ĕçлекен Оксана Петрова медсестра хăйĕн тивĕçне пысăк яваплăхпа пурнăçлать. Ăна туслă коллективри ĕçтешĕсем те, пациентсем те хисеплеççĕ.

Юнри сахăр шайне чакарма аш арманĕпе 300 грамм петрушкăна, 300 грамм ыхрана, 1 килограмм лимона /хуппипе тата вăррисĕр/ авăртмалла. Тĕттĕм вырăнта 2 эрне лартмалла. Апат умĕн кунне 1-ер апат кашăкĕ çимелле.

Эмел курăкĕсемпе сипленнĕ чухне вĕсем хăçан мĕнле витĕм кÿнине пĕлни пĕлтерĕшлĕ. Сăмахран, пĕрисене юрăхлă ÿсен-тăран теприсене сиенлĕ витĕм кÿрет. Çавăнпа суйласа сипленмелле.

Юна çăратакан курăксем: шатра курăкĕ /пастушья сумка/, сирень, чăрăш тăрри /хвощ/, шăнăр курăкĕ /подорожник/, кушак курăкĕ /валериана/, шур тăрăллă хыт курăк /тысячелистник/, чĕре курăкĕ /пустырник/, сарă кушак ури /бессмертник/, календула, çăка, лачака тип курăкĕ /сушеница/, сив чир курăкĕ /репешок/, вил шыв курăкĕ /манжетка/, пилеш курăкĕ /пижма/.

Пуç ыратни мĕн пирки систерме пултарать-ха? Вăл хăш тĕлте ытларах палăрнинчен пĕр-пĕр чир пуррине пĕлме пулать. Çак йĕркесене тимлĕрех вулама сĕнетпĕр.

Тибет медицинин тĕп уйрăмлăхĕ — чир паллисенчен мар, унăн сăлтавĕсенчен сиплени. Вăл пулăшнипе сывлăха лайăхлатма пулать. Сире тибет гимнастикин ирхи зарядка валли меллĕ комплексĕпе паллаштаратпăр. Вăл кирек кама та юрать. Ăна вăрансанах вырăн çинче выртса тумалла. Хусканусене тунă чухне куçа хупмалла. Гимнастика япаласен ылмашăнăвне лайăхлатнипе пĕрлех мышцăсен тĕрлĕ ушкăнне ĕçлеттерет, хăйне евĕр сиплĕ витĕмпе палăрса тăрать.