Асăрханулăхпа сыхлăх кирлĕ
Иртнĕ эрнере Шалти ĕçсен министерствинче кибепреступленисен тата телефон урлă тăвакан преступленисен ыйтăвĕпе анлă калаçу ирттернĕ.
ШĔМĕн уголовлă шырав управленийĕн пай пуçлăхĕн заместителĕ Евгений Андреев каласа кăтартнă тăрăх, пĕлтĕр Чăваш Енре ултавпа çыхăннă 1058 преступление шута илнĕ. Вĕсенчен 102-шне ял-салара тунă. Ытларах Шупашкар, Çĕнĕ Шупашкар тата Канаш хулисенче, Улатăр тата Шупашкар районĕсенче пурăнакансем шар курнă.