Архив - Мар 2015 - Хыпар

Олимп чемпионне Юрий Борзаковские Раççейри çăмăл атлетсен пĕрлештернĕ командин тĕп тренерĕн тивĕçĕсене пурнăçлама шаннă. Вăл спортсменсене кăçалхи июнĕн 20-21-мĕшĕсенче Шупашкарта иртекен Европа чемпионатне хатĕрлĕ. Нумаях пулмасть çĕнĕ ертÿçĕ çĕршыври массăллă информаци хатĕрĕсен журналисчĕсемпе тĕл пулса калаçнă. «Хыпар» хаçат вулаканĕсене интервьюн хăшпĕр сыпăкĕпе паллаштаратпăр.

- Йывăр та яваплă ĕç Сире шиклентермест-и?

Чăваш патшалăх ÿнер музейĕнче мартăн 13-мĕшĕнче Алексей Кокель çуралнăранпа 135 çул çитнĕ май унăн ĕçĕсен куравĕ уçăлнă.

Геннадий Козлов, музей директорĕ:

Нумаях пулмасть хам халиччен илтмен, пĕлмен тĕлĕнмелле халăх çыннипе паллашма тÿр килчĕ. Левенте Борбей - секей. Мĕншĕн тĕлĕнмелле халăх тенине тÿрех уçăмлатам, тăван чĕлхине çухатнă, автономисĕр тăрса юлнă пулин те, тата ытти йывăрлăха пăхмасăр вĕсем хăйсене "эпир - секейсем" теççĕ.

Калинино шкул директорĕ Татьяна Павловна Ефимова кунта вĕрентекен пулса килнĕренпе нумай шыв-шур юхнă. Ун чухнех вăл: «Ачасен лайăх енĕсене аталантарма вăй-халăма хĕрхенмĕп», - тесе хăйне хăй сăмах панă. Чăн та, çав сăмаха çилпе вĕçтермен хастар педагог.

Çак класрах вĕренекен Катя Николаева, математикăпа туслăскер, цифрăсен тĕнчинче хăйне телейлĕ те ирĕклĕ туять. Вăл «Математика - наукăсен патши», - каларăша мала хураканскер, çак предмета тарăнрах вĕренес тĕллевпе кружока çÿрет. Пĕлĕвне аталантарать.

«Хальхи шкул ачисем Интернетра кунĕ-пе те çĕрĕпе ларма хатĕр. Вĕсене чармасан çав ешчĕкрех кун-кунлаççĕ», - тет нумайăшĕ. Вăйăсемсĕр пуçне хайхискерсене нимĕн те кăсăклантармасть иккен. Паллах, ун пеккисем сахал мар. Анчах та Интернет «капкăнне» çакланманнисен йышĕ ытларах. Çапла мар-и?

Литература тата К.В.Иванов çулталăкне халалласа респуб-ликăра тĕрлĕ мероприяти иртет. Чулкас шкулĕ те айккинче юлмасть. Кунти пурнăçа наукăпа практика конференцийĕ-сем, конкурс-ăмăртусем кăсăклатаççĕ.

Вăрçă - хăрушă, питĕ кăткăс пулăм. Вăрçă тесен çурăм тăрăх сивĕ чупать. Унтан хаярри, усалли тата мĕн пулĕ?

Кăçал Тăван çĕршывăн Аслă вăрçи пĕтнĕ- ренпе 70 çул пулать. Вăрмар районĕнчи Энĕшпуç шкулĕнче паллă куна халалласа уяв ирттерчĕç.

Пире хальхинче те Людмила Александровна, клуб ĕçченĕ, çуркунне ун йĕри-тавра пĕлтĕрхи çулçăсене шăлса тасатма пуçтарчĕ. Ачасемпе яланах пĕрле выляттăмăр, тĕрлĕ уявра концертсем лартма пулăшаттăмăр, ĕçленĕ чух та пĕрле.

Çуркунне, çырмасемпе варсенче шыв кĕрлесе юхать. Пирĕн клуб çырма хĕрринче ларать. Кун вĕçленсе те пырать ĕнтĕ. Пуçтарнă çулçăсене тирпейлесе пытăмăр. Унччен те пулмарĕ таçтан ача сасси илтĕнчĕ. Унталла-кунталла пăхрăмăр - курăнмарĕ.

Совет салтакĕсем ылханлă тăшмансене çапса аркатнăранпа кăçал 70 çул çитет. Çак паллă пулăма халалласа Чăваш кĕнеке издательстви Мĕтри Кипекĕн (Дмитрий Афанасьевич Афанасьев) «Паттăрсем хыпарсăр çухалмаççĕ» произведенине икĕ кĕнекепе пичетлесе кăларчĕ.