Архив - Июл 2016

Вăл туйăма ирĕке ярса рок юрлама, чунра капланнине ăшра тытса тăмасăр ĕçлеме хăнăхнă. Пурнăçа ансат йышăнаканскер, кашни утăмра кăсăклăх е кулăшла самант шыраканскер, туйăмсемпе çунатланнăскер редакцие утса мар, вĕçсе кĕчĕ те кăмăлăма çĕклерĕ. Çамрăк пулнăран, шăпа ăна нихăш енчен те кÿрентерменрен çапла ансат та хаваслă-ши ку каччă? Çынни çавнашкал пулĕ. Сăмахăм К.В.Иванов ячĕллĕ Чăваш патшалăх академи драма театрĕн артисчĕ Василий Иванов, вăлах — Чăваш наци радиовĕнче "Каçхи микс" ертсе пыракан Вася Васин пирки.

Урамран шыв витрине çăварпа йăтакан Надьăран Элĕк районĕнчи Питĕшкассисем тĕлĕнмеççĕ. Эсир те, хисеплĕ вулаканăмăрсем, пысăках мар витрепе шыв çĕклет тесе шухăшлатăр пуль-ха. «Какуй! 12 литр кĕрекенни!» — хуравларĕ ял тăрăхĕн администрацийĕн ĕçченĕ.

Утă уйăхĕн 19-мĕшĕнче Чĕмпĕрте Федерацин Атăлçи округĕнчи регионсем тата КНРти Янцзы шывĕн Çÿлти тата Вăтам юхăмĕсен регионĕсем «Атăл-Янцзы» форматпа тачă çыхăнса ĕçлемелли канашăн пĕрремĕш ларăвĕ иртнĕ.

Шкултан вĕренсе тухакансен ăсату каçĕ иртнĕ, умра — анлă çул. Халĕ хĕр-упраçпа яш-кĕрĕмĕн пулас професси суйлама вăхăт. Аслă шкулсемпе техникумсенче, училищĕсенче хĕрÿ тапхăр пырать. Çĕртме уйăхĕн 20-мĕшĕнче йышăну кампанийĕ пуçланчĕ. Вĕсен ĕçĕ-хĕлĕпе паллашас тĕллевпе хулари хăш-пĕр аслă шкула çитрĕм.

Тăван çĕршывăн Аслă вăрçи вăхăтĕнчи эвакуаци пин-пин çын пурнăçне çăлнă. Чăваш Ен çĕршывăн тĕрлĕ регионĕнче пурăнакан 70 пин ытла çынна йышăннă, вĕсенчен 30 пинĕшĕ — ачасем. Ленинград блокади вăхăтĕнче килнисем хăрушă вăрçă çулĕсене асран кăлараймаççĕ.

«Шкул ачине мухтани учительшĕн чи пысăк савăнăç», — тенĕ Шарлотта Бронте. Паллах, вĕрентекенĕн ĕçне хаклани те ачасен питĕнче йăл кулă çуратмаллах. Эппин, пĕлÿ тĕнчине ертсе каякан çын ахаль тăрăшмасть.

Геннадий Даниловăн картишне кĕрсенех кайăк-кĕшĕк тĕнчине лекнĕн туйăнать. Хуçалăхра вăл хур-кăвакалпа чăх-чĕп çеç мар, цесарка, кăркка, павлин, попугай, фазан, кăвакарчăн тата ытти тĕрлĕ кайăк усрать. Темиçе çул каялла страус та тытнă.

Сăнчăрта — тилĕ

Мĕшĕлте пурăнакан 94 çулти Анастасия Офицеровăна вăрçă вăхăтĕнчи нушаллă пурнăçа аса илме ыйтсан кинемей тăрук шăпланчĕ те тăварлă куççульне çăтрĕ. Чунĕнчи нихăçан тÿрленеймен йывăр суранĕсене хускатнăшăн аванмарлантăм. Ăна пăхса пурăнакан хĕрĕ сăмах хушсан кăна калаçу çăмхи сÿтĕлчĕ.

Юлия Геронтьевăран: «Мĕншĕн ветеринар профессине суйласа илтĕн?» — тесе ыйтсан нумай шухăшламарĕ. «Эпĕ ял ачи, пĕчĕкрен выльăха юратса çитĕннĕ», — хуравларĕ Мĕшĕлте çуралса ÿснĕскер. Хĕр шкул хыççăн тĕп хулари Чăваш патшалăх ял хуçалăх академине çул тытнă.