Архив - 27 Июл, 2016

Хăйăрпа сипленине псаммотерапи теççĕ. Сывлăха лайăхлатма ун тăрăх утни те çителĕклĕ.

Чĕрепе юн тымарĕсен чирĕсем /пуçламăш тапхăр/. Малтан — ăшă хăйăр тăрăх, унтан сивĕ шыв тăрăх черетлесе 5 минут утмалла. Процедура вăхăтне майĕпен 20 минута çитермелле. Курс — 2 эрнерен кая мар.

Ват хăмпин чирĕсем. Вĕтĕ хăйăр е яка вак чул тăрăх кăна утма сĕнеççĕ. Ура тĕпĕсене ытла хастар массаж туни ват шĕвекĕ нумайрах туса кăларма хĕтĕртет тата вар-хырăм ĕçне пăсма пултарать.

Михаил Тагеев хресчен-фермер хуçалăхĕн çĕрĕ Сĕнтĕрвăрри районĕнчи Октябрьски сали таврашĕнче вырнаçнă. Çывхарнăçемĕн таса та тикĕс тырă пуссине асăрхасан: "Тем тесен те, ку — Тагеев уйĕ", — тесе савăнтăмăр. Эпир тĕрĕсех шухăшланă.

303 çул каялла I Петĕр патша указĕпе Волконский кнеçĕн следстви канцелярине туса хунă. Взятка илни, хысна укçине вăрлани, службăри ултав — çĕнĕ тытăм çакнашкал преступленисене тĕпчессишĕн яваплă пулнă. Шăпах асăннă указа алă пуснă куна тĕпе хурса РФ Следстви комитечĕн ĕçченĕсем халь утă уйăхĕн 25-мĕшĕнче хăйсен професси уявне паллă тăваççĕ. Тунтикун Шупашкарти Президент бульварĕнчи 6-мĕш çурта /темиçе çул "килсĕр" пулнă хыççăн СК управленийĕ тинех унта вырнаçрĕ/ вĕсене саламлама хăнасем те йышлăн пычĕç.

Республикăри ял хуçалăх организацийĕсем туса илекен выльăх тата кайăк-кĕшĕк ашĕн калăпăшĕнче иккĕмĕшĕн тÿпи 2014 çулта — 53,9, пĕлтĕр 63,8% пулнă. Чăваш Енре туса илекен кайăк-кĕшĕк какайĕн производствинче ял хуçалăх организацийĕсен пайĕ — 93,3, кил тата фермер хуçалăхĕсен 6,5%.

Ытларах чăх çиетпĕр

Министр полици ĕçĕнче ыррипе пĕрлех нумай çитменлĕх курать

Ял çыннин пурнăçĕ нихăçан та çăмăл пулман. Çурт лартмалла, ăна юсаса çĕнетмелле, хуралтăсем тумалла, выльăх ĕрчетмелле — никама шанмалли те çук, йăлтах хăв мĕн таран вăй çитернинчен килет.

Совет саманинче ял çыннипе хула çынни хушшинчи уйрăмлăх пушшех те пысăкчĕ. Хулара пурăнакана тÿлевсĕр хваттер панă, ытти çăмăллăх та пулман мар. Çавна май ял çыннисем ывăл-хĕрне хулана ăсатма тăрăшнă. «Эпир пылчăк çăрни те çитет, эсир ан нушаланăр!» — ашшĕ-амăшĕ çакнашкал каланине сахал мар илтнĕ. Юлашкинчен мĕн пулса тухрĕ-ха? Ялсем пушанса юлчĕç.

«Телевизорпа кăтартнă мучи Василий Федорович ăçта пурăнать?» — тесе ыйтсан Патăрьел районĕнчи Сител арçыннисем пĕр-пĕрин çине пăхса йăл кулса илчĕç. «Мучи темелле мар ăна. Вăл пирĕнтен те ирттерет», — ĕнентерме пăхрĕç хайхискерсем.

Çичĕ теçетке çула хыçа хăварнă пулин те хальчченех хитре пÿ-силлĕ вăл. Йăрăлăхĕпе пиçĕлĕхне те çухатман.

Мăн Митроппан хĕрĕ

Нумаях пулмасть кун çути курнă «Чĕкеçĕм» кĕнеке авторĕ Иван Михайлов профессионал писатель мар. Комсомольски районĕнчи Хирти Сĕнтĕрте çуралса ÿснĕскер, И.Н.Ульянов ячĕллĕ Чăваш патшалăх университетĕнче пĕлÿ илнĕскер илемлĕ литература авăрне путиччен ахаль строительтен управленин тĕп инженерĕ таран çĕкленнĕ.